CernaTV

Movemento Galego polo Clima

Eventos Ver máis

Mesa Redonda: É hora de tocar a rebato polo territorio

ADEGA impulsa a mesa redonda "É hora de tocar a rebato polo territorio" na que interveñen: a presidenta da Fundación Eira da Xoana, Adela Figueroa, quen dará unha visión dos proxectos industriais que se están a promover en todo o País; Emilio Carral, coautor do libro "O pequeno é grande. A agricultura familiar como alternativa. O caso galego" e Jessica Rey, da Asociación Salvemos a Comarca de Ordes, dentro da Rede Por un rural vivo, que falará da necesidade das organizacións veciñais contra proxectos abusivos.

Mesa Redonda: "Transportes e mobilidade: Unha cidade para as persoas"

Primeira mesa redonda das xornadas "Que cidade queremos?" centrada no transporte e mobilidade na cidade de Lugo. Intervirán nesta xornada Isabel Pardo de Vera (presidenta de ADIF), Miguel Anxo Fernández Lores (alcalde de Pontevedra), Xose Carlos Fernández (Enx. Técn. Obras Públicas), Ana Montalbán (Rede Cidades que camiñan), e modera: Adela Figueroa (ADEGA).

Mesa redonda: “Destruír para construir”

Segunda mesa redonda das xornadas organizadas por ADEGA "Que cidade queremos?", baixo o título "Destruír para construír". Intervirán nesta xornada Carmen Figueiras (arquitecta ), Iago Lestegás (arquitecto) Luis Latorre (presidente de Lugo Monumental) e modera: Rubén Vidal (ADEGA). Para participar no debate en directo, deixa as túas mensaxes no chat durante o desenvolvemento da mesa redonda.

Conversas co Ecoloxismo Ver máis

Non queremos unha herdanza envelenada

Entrevista a Antón Masa (APDR)

Conversas co Ecoloxismo: Ramón Varela Díaz

Ramón Varela Díaz é Doutor en Ciencias Biolóxicas, experto en contaminación atmosférica e foi presidente de ADEGA entre 1981 e 1996. Esta entrevista inaugura o ciclo de Conversas co Ecoloxismo de Cerna TV. Nela abordamos con Ramón Varela cal é a situación de contaminación atmosférica de Galiza e a súa evolución (min. 00:00:38), a crise das industrias electrointensivas (00:06:53), o peche do ciclo das térmicas galegas (00:14:48), a transición ecolóxica (00:20:55), que facer ante a emerxencia climática (00:29:33) e un último bloque dedicado á política forestal do país e aos lumes forestais (00:34:52).

Documental Ver máis

UNED Lugo

ADEGA participa no programa "NturalMente" da UNED de Lugo con diversos proxectos de educación ambiental, como Proxecto Ríos, compostaxe ou fogares verdes.

Dor e gloria da terra

Vídeo elaborado por ADEGA Lugo, gañador do Premio Isidro Novo á mellor linguaxe literaria no 2º certame de videocreación Lugo Cultural 2020.

CONTRALUME - Documental sobre incendios forestais

Vídeo-Denuncia Ver máis

1 minuto con ADEGA en Monforte

ADEGA denuncia a creación dunha ponte innecesaria que terá un forte impacto no Malecón de Monforte e no río Cabe.

Deseucaliptización da finca Redondelo (Quercus Sonora)

A asociación QUERCUS SONORA leva meses afrontando a deseucaliptización da finca "REDONDELO", cedida a QUERCUS SONORA pola fundación FUNDEM. QUERCUS SONORA dedícase á custodia do territorio na lucense comarca de A Ulloa. Actualmente protexe 7,5 hectáreas de prados e bosque autóctono. Para coñecer máis visita quercussonora@blogspot.com. O vídeo é da autoría de Patricia Coucheiro .

Aquí Non! Por unha transición enerxética compatible coa biodiversidade e a paisaxe

Este vídeo, impulsado pola Plataforma na Defensa da Cordilleira Cantábrica, forma parte da campaña «Aquí No», respaldada por ADEGA e por outras 102 organizacións de toda a cornixa cantábrica.

Titoriais Ver máis

Eco-ideas ADEGA: Como facer un ecolimpo?

#EuFicoNaCasaConADEGA
Se queres manter a túa casa limpa, non necesitas acudir ao súper para mercar produtos de limpeza. Aquí che amosamos unha sinxela receita para facer un ecolimpo na casa, ou un produto limpador e desinfectante ecolóxico ao que lle poderás dar múltiples usos.

Eco-ideas ADEGA: Como facer unha pasta de dentes natural

#EuFicoNaCasaConADEGA Este obradoiro de cosmética natural mostra como facer pasta de dentes na casa de forma moi sinxela e respectuosa co medio ambiente. Podes descargar a receita por escrito na seguinte ligazón: http://adega.gal/media/documentos/Receita_pasta_de_dentes_ADEGA.pdf

Eco-ideas ADEGA: En que colector van as luvas de látex ou nitrilo?

Ante o aumento de consumo de luvas de látex ou de nitrilo pola crise sanitaria, debemos poñer especial atención en como se xestionan cando se converten en residuo, é dicir, en que colector as imos depositar. Sabes cal lle corresponde?
#EuFicoNaCasaConADEGA

CERNA TV