Artigos de Conservación e biodiversidade. Revista CERNA, medio ambiente e ecoloxismo da man de ADEGA
Caso Rinlo: a dignidade recuperada
Daniel López Vispo
CERNA Nº 60 - Sentenzas Xudiciais: Caso Rinlo
Páx. 12 - 13
“A dignidade recuperada: un treito de litoral que se conserva, unha Rede Natura que empeza a ser”. Con estes enunciados, así de bre-ves, resume Daniel Vispo o resultado desta longa loita reivindicativa en defensa, no só dun espazo da nosa Rede Natura do litoral (LICde As Catedrais), senón da dignidade de todos os nosos espazos protexidos, do noso litoral e, e en suma, das xentes de Rinlo, de Riba-deo e da Mariña en xeral. A Vispo, secretario xeral de ADEGA no momento de coñecerse o proxecto de piscifactoría para Rinlo, debé-moslle en boa medida o acerto e o impulso continuado a unha loita con froitos que catro anos despois se mostran como definitivos eesperanzadores. Neste artigo destaca algúns aspectos quizais intanxíbeis pero de grande importancia da mesma.
Caso Rinlo: A xustiza anula o proxecto acuícola de Rinlo polo seu impacto ambiental
Apolinar Gómez Roca
CERNA Nº 60 - Sentenzas Xudiciais: Caso Rinlo
Páx. 14 - 15
Tras catro anos de contenda xudicial contra Acuinor e a Xunta de Galiza, ADEGA consegue defender o espazo natural protexido LIC As Catedrais e zona Rede Natura 2000, no termo municipal de Rinlo, da pretendida instalación dunha planta de acuicultura que afectaría de xeito irreversíbel aos hábitats alí protexidos pola Unión Europea. Dúas sentenzas da Sala do Contencioso Administrativo do Tribunal Superior de Xustiza de Galiza veñen de dar a razón a ADEGA, aténdose a preceptos legais, que poden sentar precedente para a futura defensa doutros espazos incluídos en Rede Natura e que estean ameazados por algún proxecto industrial. Neste artigo, un dos puntais do éxito de ADEGA nesta loita, o seu avogado, Apolinar Gómez Roca, relata o contido das dúas sentenzas e os fundamentos nos que se basean as devanditas resolucións xudiciais.
Hábitats da península do Cabo Touriñán
Xabier Amigo Vázquez
CERNA Nº 60 - Sentenzas Xudiciais: Caso Rinlo
Páx. 16 - 17
Neste breve informe dáse conta, desde a observación do experto e profesor en Botánica, Xabier Amigo, dos hábitats e especies vexetais presentes en Cabo Touriñán (concello de Muxía), “terra prometida” polo actual goberno autonómico a Pescanova para a instalación dunha granxa acuícola de cultivo de rodaballo. Este mesmo proxecto fora desbotado polo anterior Executivo, que agora se recupera contra a vontade do movemento ecoloxista e a pesar de que Cabo Touriñán é Lugar de Interese comunitario, Zona de Especial Protección dos Valores Naturais e zona pertencente á Rede Natura 2000.
Alimentación e selección de presas polo lobo ibérico no macizo central ourensán
Isabel Barja Núñez
CERNA Nº 64 - O impacto do cambio climático nas rías galegas
Páx. 16-17
A pesares da cantidade de información acerca da dieta do lobo na península ibérica, poucos datos se coñecen sobre os factores que inflúen na elección das presas. Durante cinco anos (1998-2002) estudáronse os hábitos alimenticios do lobo no Macizo central ourensán, mostrando unha gran información sobre a relación entre a dispoñibilidade de presas salvaxes e os ataques ao gando doméstico.
Recuperación de entulleiras no Bierzo
Luís A. del Riego Celada
CERNA Nº 64 - O impacto do cambio climático nas rías galegas
Páx. 34 - 35
A Fundación Ciudad de la Energía (CIUDEN) leva operando no Bierzo dende a súa formación no 2006. Un dos seus principais obxectivos é a recuperación da paisaxe en zona mimeira, o que se está a levar a cabo mediante proxectos de gran interese tales como a restauración das entulleiras en Tremor de Arriba.
O mexillón de río
Sabela Lois Lugilde
CERNA Nº 65 - Os ríos: explorar para conservar
Páx. 16-19
A conservación da biodiversidade é un dos maiores retos da nosa sociedade, non podemos permitirnos perder millóns de anos de historia evolutiva das especies e dos sistemas vivos do planeta, xa que de todo isto depende a nosa propia supervivencia. Os ambientes fluviais e mariños caracterizan grande parte da paisaxe galega e polo tanto albergan un amplo rango da diversidade do noso entorno. Un dos grupos animais máis diversos son os moluscos, que superan en número de especies aos mamíferos, aves, reptiles, anfibios e peixes. Nos ambientes mariños moitas das especies de bivalvos están máis integradas no noso coñecemento debido ao aproveitamento secular que existe sobre elas (ameixas, mexillóns, ostras, navallas...). Porén, as especies de mexillóns de auga doce son das máis descoñecidas da nosa fauna, a pesar de ser un dos grupos animais máis ameazados a nivel mundia
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal