Inicio / Números anteriores / CERNA Nº 36 - -
Artigos da revista CERNA Nº 36
As Encrobas, Xove, Baldaio escenario de mobilizacións
Ramón Muñiz
Páx. 9-10
Hai 25 anos a oposición política en Galiza tiña a cor verde, nas Encrobas, en Baldaio, en Xove, en Fruime, en Portodemouros,... Con este recordo queremos homenaxear aquelas colectividades que defenderon os seus dereitos a través dunhas loitas que foron realmente ecolóxicas, porque fixéronse contra a ruptura do equilibrio entre o home e a terra.
A recuperación integral da Limia é necesaria e posible
Serafín González e Antonio Villarino
Páx. 11- 13
A chaira da Limia foi ata hai uns 40 anos un grande complexo húmido constituído pola Lagoa de Antela e diversos asolagamentos temporais, interconectados por cursos fluviais e rodeados por unha paisaxe agrosilvopastoral en mosaico. En anos de condicións hidrolóxicas normais só a lagoa tiña unhas 3.500 - 4.000 Ha en invernía. Nas zonas húmidas existía unha grande variedade de hábitats: augas libres de pouca profundidade (2-5m), augas con vexetación acuática flotante e emerxente, veigas asolagables con herbáceas ou mato ralo,.... A paisaxe agraria era tamén un mosaico de terras cultivadas e pasteiros con sebes arborizadas e arboredas autóctonas espalladas. A Sociedade Galega de Historia Natural (SGHN) elaborou unha proposta que pretende a recuperación integral da Limia, a restauración do seu excepcional patrimonio ambiental.
O patrimonio xeolóxico: protección, conservación e xestión I
Fins Eirexas
Páx. 15- 17
Os conceitos de patromónio xeolóxico, xeodiversidade, xeoconservación e xeorrecursos culturais son homólogos aos de património biolóxico, biodiversidade, biorrecursos culturais e bioconservación. Porén resultan practicamente descoñecidos para o público en xeral e mesmo para as administracións encargadas da sua xestión, até o ponto de que a conservación asocia-se exclusivamente á conservación biolóxica. As políticas de protección e xestión de espazos naturais orientaron-se principalmente cara ao património biolóxico, arqueolóxico e etnográfico. Até o de agora, o património xeolóxico e os xeorrecursos culturais galegos non foron considerados un activo natural e cultural ao mesmo nível que os seus equivalentes biolóxicos, mália á excepcional riqueza xeolóxica de galiza.
Electricidade negra
Xosé Veiras
Páx. 18-20
Tal vez esquecemos demasiadas veces que están aí. O seu impacto ambiental negativo é enorme, pero en parte é global, polo que pode semellar menor do que realmente é. Son as grandes centrais térmicas de carbón de Meirama (Cerceda) e de As Pontes. Nos últimos 25 anos emitiron á atmósfera millóns de toneladas de gases contaminantes para producir electricidade destinada en grande parte a outras zonas do estado español. Son as responsánbeis de que Galiza teña unhas emisións per cápita de dióxido de carbono (CO2), o principal gas de efecto invernadoiro, moi superiores ás que corresponderían ao seu nivel de producción e consumo.
Río Mero: un canal e dous encoros
Manuel Soto
Páx. 21
O proxecto de canalización do río Mero (elaborado polo ministerio de medio ambiente coa colaboración da Xunta) supón a deterioración e perda dun elemento de identidade social e cultural dunha grande importancia, como son en xeral os ríos en Galiza e o río Mero en particular para a bisbarra coruñesa. O proxecto vai asociado á construcción dun novo encoro na parte alta do río, o que causaría a artificialización completa desta bacía hidrográfica e a perda da maior parte da súa biodiversidade.
Volvendo ao río Mero natural
Rafael Sánchez-Fernández e Xacobe Meléndrez Fassbender
Páx. 22-23
O Río Mero, que forma a Ría do Burgo, áchase ameazado por un agresivo proxecto de canalización que convertiría o río en canle, destruiría o bosque de ribeira e eliminaría a ría, meandros e pontes. Para loitar contra este proxecto constituíse a plataforma "Río Mero Natural" (www.riomero.org). Entre as múltiples actividades desenvolvidas pola plataforma figura a realización dun roteiro para divulgar a riqueza patrimonial do río Mero no tramo que podería ser canalizado.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal