Artigos de Ordenación do territorio. Revista CERNA, medio ambiente e ecoloxismo da man de ADEGA
Modificación da lei de solo. A entrega oficial do territorio á especulación
Daniel López Vispo
CERNA Nº 61 - Lei do solo: Legalizar a especulación
Páx. 12 - 13
O pasado 23 de Marzo, tras un trámite parlamentar inexplicabelmente acelerado, quedaba aprobada, cos únicos votos en contra do BNG e coa abstención do PSOE decidida a última hora, unha nova modificación da Lei 9/2002, de ordenación urbanística e protección do medio rural de Galiza, que entrou en vigor o 21 de abril. Con ela, e coa perda da funcionalidade da Axencia galega para a protección da legalidade urbanística, a equipa do Sr. Feijóo suma un éxito máis na súa política de recuperar rede clientelar a conta dos recursos do país desmantelando para iso todo o bo que tiña iniciado o bipartito, como os avances cara unhas Directrices de Ordenación do Territorio (DOT), que servisen de base para o desenvolvemento de calquera outra política.
Barreiros, á “costa” de todos
Froilán Pallín Seco
CERNA Nº 61 - Lei do solo: Legalizar a especulación
Páx. 14
Dos 78 concellos costeiros galegos só 4 teñen planeamento urbanístico adaptado á Lei do Solo do 2002, e Barreiros non é un deles. Réxese polas Normas Subsidiarias de 1994, que non establecen distinción entre solo urbano consolidado e non consolidado, favorecendo un modelo de urbanismo que se limita a erguer vivendas en todas as parcelas, sen ter en conta a cualificación do solo nin os servizos dos que está dotado. Este modelo practicouse con intensidade en Barreiros, ante a permisividade da administración autonómica, ata o punto de que só durante o ano 2006 o Colexio de Arquitectos de Lugo chegou a visar proxectos de edificación para máis de 6.500 novas vivendas, cando a poboación de Barreiros rolda os 3.500 habitantes. Agora o alcalde de Barreiros enfróntase á denuncia do Fiscal e a decenas de contenciosos - administrativos interpostos polo anterior goberno e que a actual Xunta estuda retirar, feito que de confirmarse constituiría unha escandalosa arbitrariedade e trato desigual para coa cidadanía e os promotores que cumpriron coa legalidade.
O plan sectorial de ordenación do litoral, unha aproximación ambiental
Daniel López Vispo
CERNA Nº 61 - Lei do solo: Legalizar a especulación
Páx. 15
En Galiza xa tivemos varias leis de costas que non se respectaron, sobre as que a especulación industrial e urbanística estivo por enriba, é por iso que os ecoloxistas non confiamos nas novas Directrices de Ordenación do Territorio nin no posterior Plan Sectorial de Ordenación do Litoral que comezou a súa redacción con tres anos de retraso. Inda así, dende o eido ecoloxista que facer un grande esforzo de análise no período de consulta pública; e desde a Consellería de Medio Ambiente, Territorio e Infraestruturas haberá que mostrar disposición ao diálogo para poder facer deste planeamento un rigoroso marco legal desde o que ordenar o noso litoral dunha forma racional e sen ceder as presións especulativas.
A paisaxe e a biodiversisade
Francisco Javier López González
CERNA Nº 62 - O lixo en Galiza: Máis incineración?
Páx. 20 - 23
Ninguén dubida da relación entre estes dous conceptos, aínda que é conveniente matizala para ver como a evolución dunha delas afecta ao desenvolvemento da outra. Para iso, é imprescindíbel establecer unhas definicións, das múltiples que se poden dar, que permitan identificar o problema que se describirá neste artigo: que a evolución da paisaxe, neste caso, en Galiza, está a contribuír a unha diminución da biodiversidade no noso país.
Galiza e o seu territorio. Unha historia de agresión que debe rematar
Daniel López Vispo
CERNA Nº 63 - Galiza: Territorio agredido
Páx. 16 - 19
Dende os comezos da etapa franquista o medio galego viuse transformado, pasando de ser un recurso sustentable que abastecía de alimentos as persoas do entorno, a partir deste intre comezouse a ver outras posibilidades no aproveitamento dos recursos galegos, fundamentalmente encoros para producir electricidade e os montes para producir pasta de papel con plantacións de especies de rápido crecemento. Todas estas accións sempre se realizaron pola forza das autoridades policiais o servizo do Estado e enfrontando a poboación local, e xa é hora de que na Galiza se produza un cambio, que permita a real ordenación do territorio, fomentada polas persoas que habitan neste entorno e que persiga un desenvolvemento sostible, que sempre será un beneficio para os seus habitantes.
Directrices de ordenación do territorio. Novos instrumentos para políticas caducas
Fins Eirexas
CERNA Nº 63 - Galiza: Territorio agredido
Páx. 22
Ante as novas Directrices de Ordenación do Territorio que vai presentar a Xunta, procúranse algúns cambios para evitar que esta nova DOT permita como ten previsto unha “flexibilización” da lei de solo, desmantelar o chan rústico protexido, anmistías e convenios urbanísticos e a desconstrución da cativa rede de espazos naturais.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal