Inicio / Números anteriores / CERNA Nº 50 - CERNA x 50,...
Páx. 46 – 48
A Dirección Xeral de Montes (Consellaría de Medio Rural) ostenta responsabilidades en política forestal e a loita contra o lume. O seu titular, Alberte Blanco, asistiu ás Xornadas sobre Incendios Forestais organizadas por ADEGA para explicar as medidas de actuación que están a impulsar para afrontar a problemática do lume en Galiza. A continuación reproducimos, resumidamente, o contido da súa intervención.
Páx. 49 – 50
ADEGA amosou a súa posición con respecto á problemática do lume, en boca da súa presidenta Adela Figueroa, nas Xornadas de Debate que organizou sobre os Incendios Forestais. Os argumentos que esgrimiu a asociación ambientalista nestas xornadas foron os mesmos que trasladou ao Parlamento de Galiza o pasado 6 de outubro, onde compareceu como axente social e como parte do sector ecoloxista galego na Comisión de Estudo sobre as causas e consecuencias dos incendios forestais, aberta a debate tras a crise incendiaria do pasado verán. ADEGA afondou na necesidade de políticas de prevención, nas que se determine un mapa de riscos e se implique o total da sociedade galega.
Páx. 52 - 53
A Gnoma Augadiña chega ao bosque animado, para sorpresa de todos, metida nunha pinga de auga. Canta alegremente río abaixo enriba dunha folla de carballo ata que o río seca. O dragón lumeirón está facendo das súas: chegaron os lumes.
Páx. 54 – 55
Cando se fala de ecoloxía na vida cotiá pensamos en como mellorar ou ambientalizar o noso fogar. Porén, a ecoloxía no día a día podemos levala máis alá da nosa casa, xa que pasamos unha boa parte do día fora. Estamos máis de 1.700 horas anuais no noso lugar de traballo, polo que ben merece que lle dediquemos un capítulo desta sección de Cerna. Comezamos pola oficina.
Páx. 56 – 57
Os ríos e fervenzas, doídos polo trato do ser humano, marchan para vivir agochados no Pedregal de Irimia. Os árbores, moi afectados polo sucedido xa que viven namorados dos ríos, deciden enviar ao Carballo con Botas á procura dos ríos e fervenzas e convencelos de que volvan, na súa procura atopará a unha Xacia que tentará axudalo.O despertar da auga é un conto educativo escrito por Anxo Moure no que se fala da importancia da auga para a vida, e do maltrato que sofren os ríos por parte dos humanos.