Buscador
A Salamantesa
Pepe Salvadores
CERNA Nº 60 - Sentenzas Xudiciais: Caso Rinlo
Páx. 38
Na Comarca de Valdeorras, onde o clima se torna “Mediterráneo”, atopamos unha biodiversidade extraordinaria, mais hoxe ímonos centrar na salamantesa (Tarentola mauritanica), tamén chamada “osga” polos galegos. Este pequeno réptil, parecido á lagartixa pero máis rerechoncha e de tons marróns e grises, con gran poder trepador, soe entrar con facilidade na casa e proporciona múltiples beneficios, tal como limpar esta dos insectos, a par de ser totalmente inofensivas. Coñecer as especies que nos rodean e os beneficios que aportan a nosa vida é de vital importancia para respectalas e convivir con elas de xeito normal.
O Couselo
Gemma Pérez e María Xosé Castro
CERNA Nº 60 - Sentenzas Xudiciais: Caso Rinlo
Páx. 39
O Couselo (Umelicus rupestris) é unha das plantas máis comúns da xeografía galega. O aspecto das súas follas, redondas, carnosas e afundidas no medio, descríbese á perfección en outro dos nome co que se coñece: “Embigo de Venus”. Estes nomes son dous dos moitos que ten esta abundante planta, que se denomina de xeito diferente dependendo da zona na que nos atopemos, mostrando así a súa popularidade. O couselo ten, ademais, unha flor vistosa de cores brancos e que medra de xeito vertical, que o fan moi recoñecible. Este artigo mostraranos as características desta planta a par que abordará os beneficios medicinais que nela se atopan: queimaduras, feridas, dor de oídos... esta planta serve para case todo. E se serve para a medicina, tampouco é mala para engadila a algún que outro prato.
Proxecto Castieixas: Anfibios, pozas e persoas
Ramsés Pérez
CERNA Nº 60 - Sentenzas Xudiciais: Caso Rinlo
Páx. 40 - 41
As pozas e regos son elementos singulares da paisaxe galega posuidores duns interesantes valores culturais e naturais. Consecuencia do abandono do rural, nomeadamente das prácticas agrícolas asociadas, pozas e regos deixan de manterse, “perdéndose”, provocando unha simplificación da paisaxe e a desaparición de espazos vitais para flora e fauna. Anfibios como as ras, sapos, píntegas, etc., vense especialmente afectados xa que pola súa “dobre vida” son vertebrados moi sensíbeis a estas modificacións nos usos do territorio.
Equal Soc. Coop. Galega, centro de educación ambiental
Mª Xosé e Amparo Vázquez Ramos
CERNA Nº 60 - Sentenzas Xudiciais: Caso Rinlo
Páx. 42 - 43
O centro de educación ambiental Equal Soc. Coop. Galega está situado na localidade de A Barra, no Concello de Coles, provincia de Ourense. O centro é un equipamento fixo con capacidade para 48 persoas en réxime de pensión completa. O espazo interior conta con dormitorios compartidos, comedor e aula multiusos, ademais dos aseos e a recepción. O espazo exterior está formado basicamente por unha hectárea de bosque de carballos e pradería, espazos que na primavera e o verán acollen a meirande parte das actividades dos nenos e nenas que asisten a xornadas de educación ambiental, a actividades de lecer e a campamentos.
Entrevista a Carme Seoane Paredes
Isabel Kerdudo
CERNA Nº 60 - Sentenzas Xudiciais: Caso Rinlo
Páx. 45
“Capturar, esterilizar, soltar”Nos concellos existen cada vez máis campañas de control das colonias de gatos de rúa coa colaboración de asociacións protectoras como Gatocan, Agata, JatiCan, Proxecto Gato ou Aldea Felina. Nalgúns casos, mesmo colaboraron veterinarias procedentes de Holanda. No Estado español, cidades como Valencia son desde hai 20 anos pioneiras na materia, con equipos de 200 voluntarios que se tornan para as alimentaren e vixiaren. A presenza de colonias de gatos pode xerar conflitos, chegando mesmo a seren denunciadas as persoas que coidan deles. Sirva de precedente a sentenza que absolveu a unha persoa acusada de alimentar gatos da rúa na Coruña, facendo valer a Lei de Protección Animal por riba dunha ordenanza municipal. No Concello de Compostela estase a lanzar a campaña “Capturar, esterilizar e soltar” coa colaboración de Abeiro e de ADEGA. Carme Seoane Paredes, veterinaria da Clínica CANCAT, é unha das colaboradoras do proxecto.
Recursos 62
Ramsés Pérez
CERNA Nº 62 - O lixo en Galiza: Máis incineración?
Páx. 9
Se estás interesad@ en que divulguemos na revista galega de ecoloxía e medio ambiente Cerna algún libro, CD, revista, película, documental, etc., ponte en contacto con nós no seguinte enderezo electrónico: ramses@adega.gal, indicando ‘Recursos Cerna’. Consulta as nosas recomendacións desta edición.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal