Buscador
06/06/2018 [00:10:00] [6.89 MB]
Mina Touro-O Pino NON: "A mina destruiría a nosa forma de vida, non é unha zona abandonada"
As persoas afectadas de forma máis directa polo pretendido proxecto mineiro de cobre de Atalaya Mining, a veciñanza de Touro e do Pino, alzan á súa voz contra a mina, que consideran a maior ameaza do seu medio de vida e do seu benestar. "Non queremos unha herdanza envelenada" é a proclama que encabezarán na manifestación do vindeiro domingo, 10 de xuño, en Santiago de Compostela, nunha mobilización social que pretende encher a Praza do Obradoiro. A poucos días de realizarse esta entrevista, ADEGA daba a coñecer un informe de Augas de Galicia no que se conclúe que practicamente a totalidade dos cursos de auga que rodean a antiga explotación de cobre amosan contaminación por metais pesados e alta acidez.
04/06/2018 [00:10:00] [6.91 MB]
Xaquín Rubido: "Sacrificar o río Ulla e a Ría de Arousa por unha mina non é política de altura"
O vindeiro domingo 10 de xuño, coincidindo coa Semana do Medio Ambiente, o ecoloxismo galego xunto con outros colectivos sociais conformados na Plataforma na Defensa da Ría de Arousa (PDRA) e na Plataforma veciña Mina Touro-O Pino NON, botaranse á rúa para pedir ao goberno galego que rexeite a mina. Temen que a aprobación do proxecto mineiro sexa inminente e apelan ao apoio da sociedade galega para frealo coa idea de encher a Praza do Obradoiro de Santiago de Compostela. Neste programa, o voceiro de PDRA, Xaquín Rubido, fálanos das consecuencias que tería a megamina de cobre para a Ría de Arousa.
01/06/2018 [00:10:00] [6.86 MB]
Boletín informativo ambiental 01/06/18
Entramos no mes de xuño dando conta da actualidade ambiental do país máis destacada. Coñécea!
30/05/2018 [00:10:00] [6.90 MB]
As diferenzas na biodiversidade no binomio Bosque/eucaliptal e cultivo ecolóxico/convencional
A tese doutoral de Sandra Goded achega novos datos sobre as diferenzas de biodiversidade existente entre superficies de agricultura ecolóxica fronte a convencional e en bosque autóctonos fronte plantacións de eucaliptos. O estudo parte dunha reflexión da bióloga sobre os cambios sufridos no territorio galego nos últimos anos a nivel de produción.Queres coñecer as conclusións destas comparativas? Preme e escoita!
28/05/2018 [00:10:00] [6.88 MB]
A veciñanza de Ordes pide que se exclúa a comarca do Plan Eólico de Galiza
En pouco máis de un mes, os veciños e veciñas dos concellos de Ordes, Oroso, Frades e Mesía constituíronse na Coordinadora contra a implantacións de parques eólicos na comarca de Ordes ante o anuncio inesperado da instalación de 4 parques eólicos na bisbarra. Esta plataforma pide que a comarca de Ordes se exclúa do Plan Sectorial Eólico Galego por considerar que os parques eólicos son incompatibles co desenvolvemento das actividades vocacionais da zona e que ademais carece de potencial eólico. Recentemente, dirixiuse ao presidente da Xunta para demandar que se declaren os parques proxectados para Ordes nulos de pleno dereito, por someterse a unha tramitación fraudulenta e por basearse nunha documentación ficticia.
25/05/2018 [00:10:00] [6.88 MB]
Boletín informativo ambiental 25/05/18
Neste espazo atoparás todas as novidades no medio ambiente e na acción ecoloxista de Galiza. Escoita a actualidade ambiental dos últimos días, da man de Radio Cerna.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal