Buscador
06/09/2013 [00:10:00] [5.74 MB]
Boletín informativo ambiental 06/09/13
Escoita o único boletín informativo ambiental en galego e sobre o noso medio. Hoxe repasamos as novas máis destacadas da última semana.
05/09/2013 [00:10:00] [5.74 MB]
O grafeno: o material que pode revolucionar o futuro
Está considerado o material máis duro do mundo, ou cando menos, un dos máis duros. Isto xunguido á súa flexibilidade ou elasticidade convérteo nun dos descubrimentos do século e quizais un dos recursos máis demandados nas próximas décadas. Neste programa coñecemos as súas cualidades e potenciais funcionalidades cunha das investigadoras que estudan a súa composición e propiedades.
04/09/2013 [00:10:00] [5.74 MB]
Cando nace a paisaxe tradicional do rural galego?
Probablemente nunca antes como agora se produciron mudanzas tan extremas na paisaxe; na contra conservamos durante séculos a paisaxe tradicional galega. Desde cando foi concibida é a pregunta trataremos de darlle resposta neste programa CERNA. Falamos da arqueoloxía do rural galego coa investigadora Paula Ballesteros.
03/09/2013 [00:10:00] [5.74 MB]
Antigas minas galegas como recurso patrimonial
As minas de ouro, volframio, estaño, etc. que se explotaron en Galiza desde a época romana están chamadas a converterse nun novo recurso patrimonial e turístico. Varios proxectos de alcance internacional están a interesarse polos vestixios mineiros galegos de hai séculos para poñelos en valor, dando a coñecer a súa historia, a súa relevancia na época e creando un produto atractivo para o turismo. Hoxe coñeceremos dous destes proxectos: Atlanterra e a ruta europea do volframio.
02/09/2013 [00:10:00] [5.74 MB]
Os plans que rexerán as reservas da biosfera lucenses
A Deputación de Lugo presenta os seus plans para as Reservas da Biosfera Terras do Miño e Ancares lucenses. Os obxectivos xa están marcados para os vindeiros anos, agora falta concretar as accións para poñer en valor, preservar e desenvolver estes dous espazos.
31/07/2013 [00:10:00] [5.74 MB]
Mentiras sobre a matanza dos lobos do Barbanza
ADEGA desminte varias das afirmacións que fixo o Director Xeral de Conservación da Natureza, Ricardo García-Borregón, en comparecencia parlamentaria, sobre o plan de control dos lobos híbridos no Barbanza, tras unha petición de AGE. O responsable da Xunta, segundo ADEGA, minimiza o número de batidas realizadas así como as capturas e os resultados da cacería durante os anos 2011 e 2012.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal