Do 03-06-2026 ao 31-08-2026

Modelo de recurso para denegación de persoa interesada - Mina Touro-O Pino

ADEGA pon á disposición de todas aquelas persoas que o precisen un modelo de escrito de alzada para recorrer a denegación da condición de persoa interesada no expediente da Mina de Touro-O Pino.

Descárgao, cumpriméntao, asínao e preséntao en sede electrónica ou física, en calquera rexistro público, á atención da Conselleira de Economía e Industria da Xunta de Galiza.

Como presentalo en sede electrónica

1. DESCARGA o modelo no teu ordenador e cumpriméntao cos teus datos.
2. Entra na sede electrónica da Xunta, dálle a “A miña sede” e identifícate.
3. Accede a trámites > solicitude xenérica (PR004a) > tramitar en liña.
4. Acepta os avisos que aparecerán en xanelas emerxentes.
5. Comproba os datos xa cubertos, escribe os que faltan e escolle o medio de notificación (electrónico).
• En “Asunto” pon: Recurso de Alzada
• En “Expón” pon: Ver documento apegado (Recurso de Alzada)
• En “Solicita” pon: Ver documento apegado (Recurso de Alzada)
6. Selecciona o destinatario. Neste caso: Consellaría de Economía e Industria.
7. Dálle a continuar e anexa o documento de solicitude (ollo! o nome do arquivo non debe conter acentos).
8. Dálle a continuar e comproba que o teu documento está anexado correctamente.
9. Asina e envía!

Descargas

• Modelo de recurso de alzada - Mina Touro-O Pino (PDF editable)
• Modelo de recurso de alzada - Mina Touro-O Pino (DOC)