Revista CERNA

Artigos de Enerxía e cambio climático. Revista CERNA, medio ambiente e ecoloxismo da man de ADEGA

Xornada polo Clima, histórica para o movemento ecoloxista

Ángel E. López

CERNA Nº 81 - Emerxencia climática

Páx. 5-7

Impulsado pola mocidade a través do movemento Fridays For Future, xurdido a través dos actos de protesta da adolescente sueca Greta Thunberg, tivo lugar unha semana de reivindicacións mundiais polo Clima que rematou o 27S cun día de folga e mobilizacións en máis de dúas mil cidades de 155 países diferentes. Na Galiza, máis de dez cidades e vilas viviron accións e actos a prol do Clima para reclamar unha declaración real e efectiva de Emerxencia climática. Culminou en grandes manifestacións que botaron á rúa unhas 8.000 persoas en Vigo, 5.000 na Coruña ou 4.000 en Compostela.

15M, a primeira folga polo clima en Ferrol

Belén Feal Cabezón

CERNA Nº 81 - Emerxencia climática

Páx. 8

Xa hai case un ano, unha rapaza sueca de 16 anos, chamada Greta Thunberg, iniciou un movemento en contra do cambio climático. O que fixo Greta, foi poñerse en folga todos os venres no seu instituto, protestando contra a inacción do seu goberno ante a crise climática. A día de hoxe, milleiras de mozas e mozos en todo o mundo, sumámonos a esta iniciativa baixo o nome de “Fridays For Future”. Desde Ferrol, quixemos formar parte deste movemento, poñer a semente na nosa cidade e unirnos á Folga polo Clima.

Electricidade negra

Xosé Veiras

CERNA Nº 36 - -

Páx. 18-20

Tal vez esquecemos demasiadas veces que están aí. O seu impacto ambiental negativo é enorme, pero en parte é global, polo que pode semellar menor do que realmente é. Son as grandes centrais térmicas de carbón de Meirama (Cerceda) e de As Pontes. Nos últimos 25 anos emitiron á atmósfera millóns de toneladas de gases contaminantes para producir electricidade destinada en grande parte a outras zonas do estado español. Son as responsánbeis de que Galiza teña unhas emisións per cápita de dióxido de carbono (CO2), o principal gas de efecto invernadoiro, moi superiores ás que corresponderían ao seu nivel de producción e consumo.

Nucleares: nunca en Galiza

Ramón Varela Díaz

CERNA Nº 37 - NUNCA MÁIS

Páx. 14-16

Despois do grave accidente de Chernobil, a maioría dos países europeos suspenderon os seus programas de instalación de centrais nucleares, asustados das consecuencias do accidente nuclear apuráronse á establecer moratorias nucleares indefinidas e mesmo algúns como Alemaña fixaron a data para pechar e desmantelar as nucleares que estaban funcionando. Todo apuntaba a que tamén no estado espàñol os proxectos nucleares quedaban xa zanxados e que a alternativa nuclear estaría aparcada indefinidamente.

O fracaso das políticas de aforro enerxético

Fernando Blanco Silva

CERNA Nº 41 - Especial: Urbanismo

Páx. 38-39

A enerxía é un problema serio nos nosos días. Nos últimos vinte anos vivimos tres guerras causadas polo petróleo e as empresas enerxéticas cada vez teñen máis forza en todo o mundo. As Crises do Petróleo de 1973 e 1979 fixeron que os países pensaran no aforro enerxético e nas renovábeis coma unha solución para evitar a oleodependencia. A partir dos anos 90 os países con maior consumo comezaron a modificar as súas políticas enerxéticas, con intención de reducilo e promover o uso das enerxías renovábeis, pero estas políticas continúan a fracasar, situándonos diante dun futuro incerto.

Carbón ou cambio climático?

Xosé Vieiras García

CERNA Nº 43 - -

Páx. 32-34

A proposta do goberno central para o reparto dos dereitos gratuítos de emisión de dióxido de carbono, o principal gas causante do cambio climático, entre as industrias suxeitas á directivas europeas sobre o comercio de emisións desatou na Galiza a oposición da Xunta e dos principais sindicatos e forzas políticas. Ao seu xuízo, a proposta sería negativa para Galiza por penalizar as centrais térmicas de carbón. Comprobamos así, o inconscientes que son algúns compromisos co Procotolo de Quioto. Entre o carbón e a prevención do cambio climático hai quen prefire o primeiro, e non só ENDESA ou Unión Fenosa.

Revista CERNA
Travesa de Basquiños, nº 9 baixo. 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal