Artigos de Flora e fauna de Galiza. Revista CERNA, medio ambiente e ecoloxismo da man de ADEGA
A Cegoña
Pepe Salvadores
CERNA Nº 59 - Mar: do litoral ás profundidades
Páx. 40
A Cegoña (Ciconia ciconia) é unha ave de todos coñecida sobre todo polo espectacular dos seus niños en sitios altos, como os campanarios das igrexas. Non é unha ave ao uso, en canto a que unha das súas características principais é a incapacidade para cantar, comunicándose mediante sons guturais. A pesar disto segue sendo unha das aves máis elegantes que se coñecen. Pepe Salvadores invítanos a mergullarnos no mundo desta gran ave de gran consideración e respecto, e os problemas que as ameazan de continuo.
O Sabugueiro
Mª Xosé Castro e Gema Pérez
CERNA Nº 59 - Mar: do litoral ás profundidades
Páx. 41
A curiosidade fixo que, hai anos, ao pé dun río, ficara atenta a un arbusto de umbeladas flores brancas. Dubidei, fitei, acheguei a man e esmaguei unha folliña coas xemas dos dedos. O arrecendo forte, que eu achei cuspidiño ao millo torrado, quedaría para sempre e dende aquela vencellado a un nome, “sabugueiro”.
Un boi que escorna, un cervo que voa. Unha vaca loura
Pepe Salvadores
CERNA Nº 61 - Lei do solo: Legalizar a especulación
Páx. 44
A vaca loura con ese aspecto fero é un insecto inofensivo, un insecto ben coñecido, persoaxe do Entroido ourensán, que nos últimos anos vai diminuíndo xa que pon as súas larvas na madeira podre dos carballos, e claro, os carballos en Galiza son cada vez menos, as plantacións con especies de rápido crecemento e a concentración parcelaria colonizan os lugares onde antes proliferaba unha das máis típicas árbores de Galiza, polo que o escornabois ten máis difícil a súa presenza no noso territorio.
O loureiro
Mª Xosé Castro e Gemma Pérez
CERNA Nº 61 - Lei do solo: Legalizar a especulación
Páx. 45
O loureiro é unha árbore de folla perenne que medra en zonas húmidas, por iso se pode atopar dispersa polo territorio galego. O loureiro significou sempre algo glorioso, vitorioso, pero tamén ten usos medicinais ou culinarios, é unha árbore con bastante impacto na cultura galega cunhas características moi particulares como o seu verdor e porte.
A Salamantesa
Pepe Salvadores
CERNA Nº 60 - Sentenzas Xudiciais: Caso Rinlo
Páx. 38
Na Comarca de Valdeorras, onde o clima se torna “Mediterráneo”, atopamos unha biodiversidade extraordinaria, mais hoxe ímonos centrar na salamantesa (Tarentola mauritanica), tamén chamada “osga” polos galegos. Este pequeno réptil, parecido á lagartixa pero máis rerechoncha e de tons marróns e grises, con gran poder trepador, soe entrar con facilidade na casa e proporciona múltiples beneficios, tal como limpar esta dos insectos, a par de ser totalmente inofensivas. Coñecer as especies que nos rodean e os beneficios que aportan a nosa vida é de vital importancia para respectalas e convivir con elas de xeito normal.
O Couselo
Gemma Pérez e María Xosé Castro
CERNA Nº 60 - Sentenzas Xudiciais: Caso Rinlo
Páx. 39
O Couselo (Umelicus rupestris) é unha das plantas máis comúns da xeografía galega. O aspecto das súas follas, redondas, carnosas e afundidas no medio, descríbese á perfección en outro dos nome co que se coñece: “Embigo de Venus”. Estes nomes son dous dos moitos que ten esta abundante planta, que se denomina de xeito diferente dependendo da zona na que nos atopemos, mostrando así a súa popularidade. O couselo ten, ademais, unha flor vistosa de cores brancos e que medra de xeito vertical, que o fan moi recoñecible. Este artigo mostraranos as características desta planta a par que abordará os beneficios medicinais que nela se atopan: queimaduras, feridas, dor de oídos... esta planta serve para case todo. E se serve para a medicina, tampouco é mala para engadila a algún que outro prato.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal