Buscador
O fume dos incendios forestais. Riscos para a saúde. Especial incendios 2006
Luís Díaz Cabanela
CERNA Nº 50 - CERNA x 50, 16 anos informándote. Especial incendios
Páx. 38 - 40
Os lumes, ademais de seren un desastre ecolóxico, son tamén un risco para a saúde. Luís Díaz Cabanela é médico e Vogal de Saúde Ambiental de ADEGA, neste artigo explica a composición das partículas contidas nos fumes dos incendios forestais e como afectan a saúde e á contaminación atmosférica ademais das precaución a tomar nas proximidades dos incendios.
Ecoloxistas, científicos, políticos e sectores sociais buscan solucións
Belén Rodriguez
CERNA Nº 50 - CERNA x 50, 16 anos informándote. Especial incendios
Páx. 41 – 45
O pasado 20 e 21 de outubro, ADEGA organizou unhas xornadas en Santiago de Compostela para debater sobre a problemática dos incendios en Galiza. As xornadas contaron coa colaboración do Museo do Pobo Galego, a Consellaría de Medio Rural e a Consellaría de Medio Ambiente. Recoñecidos investigadores das universidades galegas, ecoloxistas, asociacións de propietarios, expertos en rexeneración ambiental, sociólogos, sindicatos agrarios e políticos analizaron as causas e as consecuencias de máis de corenta anos de lume en Galiza e, especialmente, da última vaga de incendios sufrida no noso país. A xuntanza acolleu a todos os sectores implicados na problemática do lume e conseguiu encher o aforo da sala de conferencias do Museo do Pobo Galego, demostrando unha vez máis que os incendios son un problema que preocupa e atinxe a toda a sociedade galega.“A mobilización integral e moral das mellores enerxías do país”, foi como Suso de Toro definiu o encontro organizado por Adega, no acto de inauguración. O escritor galego referiuse á importancia da relación que mantivemos os galegos e galegas co monte nas diferentes épocas da historia, nas que “nunca deixamos de identificarnos coa terra, a pesares das nosas contradicións; por iso, cando falamos de monte queimado, tamén falamos das queimaduras do noso corpo”.
Hai que construír de novo unha política forestal. Especial incendios 2006
Alberte Blanco
CERNA Nº 50 - CERNA x 50, 16 anos informándote. Especial incendios
Páx. 46 – 48
A Dirección Xeral de Montes (Consellaría de Medio Rural) ostenta responsabilidades en política forestal e a loita contra o lume. O seu titular, Alberte Blanco, asistiu ás Xornadas sobre Incendios Forestais organizadas por ADEGA para explicar as medidas de actuación que están a impulsar para afrontar a problemática do lume en Galiza. A continuación reproducimos, resumidamente, o contido da súa intervención.
Métodos de actuación concretos na prevención dos incendios. Especial incendios 2006
Redacción
CERNA Nº 50 - CERNA x 50, 16 anos informándote. Especial incendios
Páx. 49 – 50
ADEGA amosou a súa posición con respecto á problemática do lume, en boca da súa presidenta Adela Figueroa, nas Xornadas de Debate que organizou sobre os Incendios Forestais. Os argumentos que esgrimiu a asociación ambientalista nestas xornadas foron os mesmos que trasladou ao Parlamento de Galiza o pasado 6 de outubro, onde compareceu como axente social e como parte do sector ecoloxista galego na Comisión de Estudo sobre as causas e consecuencias dos incendios forestais, aberta a debate tras a crise incendiaria do pasado verán. ADEGA afondou na necesidade de políticas de prevención, nas que se determine un mapa de riscos e se implique o total da sociedade galega.
A Gnoma Augadiña
Uxía Mata
CERNA Nº 50 - CERNA x 50, 16 anos informándote. Especial incendios
Páx. 52 - 53
A Gnoma Augadiña chega ao bosque animado, para sorpresa de todos, metida nunha pinga de auga. Canta alegremente río abaixo enriba dunha folla de carballo ata que o río seca. O dragón lumeirón está facendo das súas: chegaron os lumes.
A oficina e o medio ambiente
Ramsés Pérez
CERNA Nº 50 - CERNA x 50, 16 anos informándote. Especial incendios
Páx. 54 – 55
Cando se fala de ecoloxía na vida cotiá pensamos en como mellorar ou ambientalizar o noso fogar. Porén, a ecoloxía no día a día podemos levala máis alá da nosa casa, xa que pasamos unha boa parte do día fora. Estamos máis de 1.700 horas anuais no noso lugar de traballo, polo que ben merece que lle dediquemos un capítulo desta sección de Cerna. Comezamos pola oficina.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal