ADEGA

Inicio / Novas / Todas / Crónica da constitución de Plataforma de defensa...

24-04-2016

Crónica da constitución de Plataforma de defensa da Praia e Ría de Cedeira.

O pasado día 22 de abril, membros de ADEGA e SomosCedeira participamos na constitución dunha plataforma cidadá en defensa da praia e da ría de Cedeira. Este acto organizado polo Concello de Cedeira, no que participaron unha ducia de asociacións cedeiresas, comezou cunha breve exposición por parte de ADEGA e SomosCedeira sobre a situación actual da praia así como das vantaxes de constituír unha plataforma que vele pola defensa do entorno. A continuar houbo un prolongado debate, no que participaron todos os que alí estaban presentes e rematou coa encomenda para ADEGA e SomosCedeira de elaborar un documento de inicio. Este documento será trasladado ao Concello que se encargará de distribuílo ás demais asociacións para despois poder debater e melloralo.

É de resaltar a excelente disposición do Concello de Cedeira que se encargou de organizar o acto e convocar a toda a cidadanía, así como de todos os asistentes que amosaron un gran preocupación polos problemas que se manifestan na praia, e amosaron a súa disposición para tratar de solucionalos.

Esta plataforma nace coa intención de que informar á cidadanía do conflito existen na praia, e de tratar de dar solucións a este conflito. Despois das mobilizacións realizadas no areal no ano 2013 demandando a paralización das obras que pretendían soterrar a praia e a reserva mariña de Cedeira, este é un paso máis para continuar a demandar unha boa xestión deste espazo protexido. Así esta plataforma estará aberta a todos os que queiran participar.

Ligazóns

ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal