Artigos de Auga e ríos. Revista CERNA, medio ambiente e ecoloxismo da man de ADEGA.
Os fundamentos da ILP
Belén Rodríguez, Suso de Toro, Alba Nogueira, María Xosé Vázquez, Daniel Lópaz Vispo, outros.
CERNA Nº 47 - Especial: S.O.S abellas
Páx. 10-16
A Xornada en defensa dos ríos galegos celebrada o pasado 28 de Xaneiro en Santiago, organizada pola Comisión promotora da Iniciativa Lexislativa Popular en defensa dos ríos, serviu para expoñer publicamente a precaria situación das concas galegas desde diferentes perspectivas. Nela participaron representantes do eido político, científico, ecoloxista e cultural de Galiza que apoiaron abertamente o texto da ILP, debatido posteriormente no Parlamento Galego.
O debate no Parlamento Galego
Belen Rodríguez, Suso de Toro, Alba Nogueira, María Xosé Vázquez, Daniel López Vispo, outros.
CERNA Nº 47 - Especial: S.O.S abellas
Páx. 16-18
O pasado 21 de Febreiro o Parlamento de Galiza aprobou a toma en consideración da Iniciativa Lexislativa Popular para a protección, conservación e mellora dos ríos galegos, avalada por perto de 40.000 asinantes das galegas. Obtivo 38 votos a favor dso grupos políticos que rexentan o goberno, PSOE E BNG, e 35 votos en contra dos deputados do PP.Despois de case un ano desde que se puxera en marcha a Iniciativa Lexislativa Popular en defensa dos Ríos pola Comisión promotora, formada por máis de 30 colectivos entre ecoloxistas, sindicatos, formacións políticas e empresariais, a ILP é aprobada polo Parlamento.
Natureza e desenvolvemento: ríos e turismo
Manuel Cabalar Fuentes, Xosé M. Santos Solla, Miguel Pazos Ontón
CERNA Nº 47 - Especial: S.O.S abellas
Páx. 33-35
A gran riqueza e beleza natural e paisaxística de Galiza resulta case que proverbial. Rías, montes, bosques, fontes, camiños, etc... constitúen o patrimonio natural do noso país. Mais se hai algún elemento destacado, eses son os ríos. O noso país é a terra "dos mil ríos". Nun espazo xeográfico dun marcado clima atlántico, oceánico, con precipitacións abondosas ao longo de todo o ano, e un substrato cristalino, non hai parroquia galega onde un río ou un simple regato non deixe a súa pegada na paisaxe.
Depuración natural de augas residuais
Manuel Soto, Pilar Barros, Virxínia Rodríguez
Páx. 12-16
Galiza sofre un considerábel atraso en tratamento de augas residuais. Contamos cun gran número de Estacións Depuradoras de Augas Residuais (EDAR), mais un gran número das mesmas non funciona dun xeito adecuado ou teñen unha capacidade insuficiente. Todo isto da lugar a que a porcentaxe de residuos e vertidos sen depurar ou cunha depuración deficiente sexa moi elevada. Así, cada día aumenta a contaminación nos nosos ríos e mares, afirmando o feito de que o modelo actual non é sustentábel, desde as dúas perspectivas: ambiental e económica. Polo que é necesario promover sistemas máis sinxelos, naturais e de baixo custe.
Unha nova agresión no río Umia
Virginia Rodríguez, Ramsés Pérez
CERNA Nº 49 - Especial: xestión do lixo
Páx. 7-8
O vertido tóxico da empresa Brenntag (08/09/06) ocasionou unha catástrofe ambiental no Umia. Durante dez días, o río tornou completamente azul. Máis tarde, viraría completamente verde, augas arriba, á raíz do estancamento da auga e os efectos dos numerosos vertidos sen depurar que o río sofre a diario.
Nova lei para os ríos galegos
Belén Rodríguez
CERNA Nº 49 - Especial: xestión do lixo
Páx. 34-35
O pasado 20 de Xuño, o Parlamento de Galiza aprobou por unanimidade o texto definitivo da "Iniciativa Lexislativa Popular para a protección, a conservación e a mellora dos ríos galegos", despois de ser tomada en consideración pola Cámara o 21 de Febreiro deste ano grazas aos votos á favor do BNG e PSOE. O PP, que nun principo se amosou remiso a apoiar esta proposición de lei, acabou por aceptala tras algunha modificación do texto orixinal. A ILP dos ríos convértese así na primeira proposición de lei de vontade popular e de carácter ambiental que se aproba en toda a historia parlamentaria de Galiza. Coa súa participación no DOG nº 137, entrou en vigor coma "Lei 5/2006, do 30 de Xuño, para a protección, a conservación e a mellora dos ríos galegos".
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal