Artigos de Forestal e montes. Revista CERNA, medio ambiente e ecoloxismo da man de ADEGA
Política forestal en Cuba
Cosme Casals Corella
CERNA Nº 46 - Especial: A pegada ecolóxica de Galiza
Páx. 40-41
Cuba hoxendía pode amosar ao mundo as súas experiencias en amteria forestal. Atópase entre os 53 países que a nivel mundial teñen un crecemento no sector forestal, xa que o 23´4% do seu territorio está totalmente cuberto de bosques. O estado cubano ten destinado nestes últimos cinco anos uns 320 millóns de pesos para o desenvolvemento forestal, malia o bloqueo que mantén o goberno de EEUU contra Cuba, e proponse un medre do 29´9% da superficie boscosa para o ano 2015.Esto será posíbel porque a illa caribeña conta cun marco legal e institucional para o manexo sostíbel e coidado dos bosques. Cuba leva a cabo non só unha Revolución Socialista, senón tamén unha Revolución Verde. Faremos un repaso histórico da evolución do patrimonio forestal da Illa ata os nosos días.
Celulosas en Uruguai e Arxentina
Rafael Rey
Páx. 32-33
Galiza, Uruguai e Arxentina. Tres países que se atopan irreversibelmente irmanados á consecuencia da penosa marcha do capitalismo internacional: colonialismo, mercantilismo, guerras mundiais, "capitalismo andoriña", imperialismo, etc. Isto fixo que ao longo dos últimos anos as consecuencias da globalización trouxera novas formad e degradación e explotación para os nosos pobos. No marco da mundialización da economía e da rápida expansión dos capitais transnacionais comezara a construirse unha das maiores fábricas de celulosa do mundo. Esta ten á súa orixe na Galiza, nas rías de Pontevedra. Falamos da contaminación do noso, falamos de ENCE.
NORFOR: A peor xestión con selo FSC
Benito Andrade
Páx. 28-29
Sabías que eses eucaliptos que se plantan en solos degradados pola utilización de maquinaria pesada que altera os seus horizontes acelerando a erosión teñen unha certificación "ecolóxica"? Sabías que esas extensas plantacións nas que a vexetación acompañante foi eliminada coa aplicación masiva de herbicidas son o paradigma declarado de sustentabilidade ambiental? Sabías que a empresa que derrubou o prezo do eucalipto ate rozar os 10 euros por tonelada, é na que máis do 80% do emprego é da peor precariedade, é modelo de sustentabilidade social? Non é broma, estamos á falar de NOR-FOR,a filial forestal de ENCE, ambas posúen certificación FSC.
Os lumes a debate: causas e solucións
Belén Fernández
CERNA Nº 49 - Especial: xestión do lixo
Páx. 9-14
Galiza arde desde hai 4 décadas cunha intensidade que ven marcada pola climatoloxía estival, a acumulación de biomasa combustíbel no monte e pola maior ou menor actividade incendiaria. Dende o ecoloxismo vimos defendendo que a solución aos incendios non pode descansar unicamente no dispositivo de apagar o lume, senón nas causas estruturais que fan posíbel esta epidemia. O modelo forestal é un dos primeiro factores que condicionan o alcance dos incendios, ao promover monocultivos como eucaliptos ou piñeiros. Se a isto lle sumamos o abandono da agricultura rural, e do rural en xeral, máis a reforestación, obtemos a situación de crise da Galiza.
ILP do Bosque: outra oportunidade perdida
Cerna/Redacción
CERNA Nº 80 - Custodia: Sobreiral do Arnego
Páx. 5-7
O pasado 20 de novembro, o Parlamento Galego rexeitou a Iniciativa Lexislativa Popular (ILP) para a protección e mellora dos hábitats debosque autóctono, a racionalización da xestión do monte e a loita contra os incendios forestais. É a segunda ILP de carácter forestal quepromove a sociedade galega e que o Parlamento rexeita nos últimos 30 anos. É tamén a ILP máis apoiada da nosa historia, o que coloca apreocupación social polos bosques e o monte galego na primeira liña do debate público. Defendida na Cámara pola presidenta de ADEGA,Virxinia Rodríguez Álvarez, en representación da Comisión Promotora, e pese a conseguir máis de 42.000 sinaturas de apoio, foi tombadapolos 37 votos en contra do PP, contando coa abstención do PSOE e o voto favorábel de En Marea e do BNG.
O castiñeiro e os soutos, ecosistemas cheos de historia, de bens e de servizos
Álvarez-Álvarez, Pedro; Díaz-Varela, Emilio R.; Roces-Díaz, José V.
CERNA Nº 80 - Custodia: Sobreiral do Arnego
Páx. 8-10
O castiñeiro é unha especie fortemente arraigada na paisaxe tradicional e na cultura galega, moi estimada polos labregos, onde foi un elementofundamental no tecido agroforestal galego. Neste medio medrou desafiando a eternidade como auténticos monumentos viventes,conformando a súa esencia como a dunha divindade mitolóxica que pervive na nosa toponimia, na arte e na literatura, e en centos de contos e lendas. Os castiñeiros e os soutos non só producen madeira selecta, leña, vigas, postes para os cerramentos, táboas para os faiados, castañas de diversas formas e sabores,... tamén conectan a paisaxe coa nosa cultura tradicional e a impregnan dunha fragrancia especial, única e máxica. Por iso a súa conservación e fomento deberían ser unha prioridade no desenvolvemento das políticas agroforestais.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal