Artigos de Ordenación do territorio. Revista CERNA, medio ambiente e ecoloxismo da man de ADEGA
A Ulloa: a loita contra os encoros
Xesús Pereiras, Xan Louzao, Xosé A. Rodríguez
CERNA Nº 41 - Especial: Urbanismo
Páx. 24-25
Diferentes organizacións estanse á mobilizar no cernde de Galiza para salvar o espazo fluvial máis singular de toda a bacía alta do Ulla: as Torrentes de Mácara ou de Ramil, situadas entre os concellos de Palas, Antas e a Golada. Nun tramo de perto de tres quilómetros o río salva un desnivel duns 100 metros de altitude cunha serie contínua de fervenzas e rápidos de enorme beleza e que deben ser dos máis longos do País. Máis nons e trata só do río, senón que a topografía fragosa e inacesíbel determinou un ecosistema de ribeira ben conservado, onde son protagonistas árbores que están aquí no seu limite ambiental coma os érbedos, freixos, amieiros, salgueiros...
Desfeita ambiental no Morrazo
Luis Pérez González
Páx. 18-20
Analizamos a desfeita ambiental no Morrazo tras as obras para a construcción da Vía Rápida, tras moitas loitas que resultaron inútiles para a súa paralización. Desde as peticións que obrigaron a xerar un Estudo do Impacto veraz, que deu conta dos 31 xacementos arqueolóxicos polos que pasaría a vía. Ate as alusións ás perdas en canto a valor patrimonial, cultural e hidrolóxico.
XXXI Asemblea Xeral de ADEGA: A Rede Natura coma prioridade
Editorial
Páx. 18
Na última asemblea ADEGA sinalou a defensa da Rede Natura coma prioridade reinvindicativa da asociación á causa das contínuas ameazas ás que veñen sendo sometidos os Lugares de Interese Comunitario (LIC). Moitas veces reconvertidos en obxecto de especulación dos grandes poderes económicos. Afírmase a necesidade de ampliar a Rede, como por exemplo incluíndo a protección oficial para a Serra do Suído.
O caos de barreiros: visto para sentenza
Daniel López Vispo
CERNA Nº 80 - Custodia: Sobreiral do Arnego
Páx. 30-31
O pasado 14 de novembro quedaba visto para sentenza o xuízo penal contra o Alcalde do Concello de Barreiros (PP) e demais membros do equipo de goberno e contra a Arquitecta Municipal, por un presunto delito de prevaricación urbanística. Todo comezou en xaneiro do 2006 cunha Comisión de Goberno Municipal que veu outorgando licenzas urbanísticas en base a unhas obsoletas normas subsidiarias do ano 1994, a pesar das advertencias da Consellería e da Dirección Xeral de Urbanismo sobre a entrada en vigor da Lei do Solo de Galicia, entón vixente.
Entrevista a Froilán Pallín Seco
Por Belén Rodríguez
CERNA Nº 80 - Custodia: Sobreiral do Arnego
Páx. 32-33
ADEGA exerce a acusación particular no caso Barreiros. Considera demostradas e inxustificables as reiteradas ilegalidades urbanísticas e agarda unha sentenza condenatoria, para o que pide un ano de prisión por cada licenza urbanística outorgada e anos de inhabilitación. Coa loita destes anos, conseguiuse paralizar a continuación destas desfeitas, pero a asociación dubida da posibilidade de restauración e denuncia a actuación recente da Xunta. Froilán Pallín Seco, secretario xeral de ADEGA, explícanos os pormenores deste xuízo e a proble¬mática ambiental e urbanística que agocha.
Entrevista a “Máis talento, menos cemento”
Por Belén Rodríguez
CERNA Nº 80 - Custodia: Sobreiral do Arnego
Páx. 34
En 2010 xurdía en Barreiros o movemento de contestación social “Máis talento, menos cemento”, do que foron integrantes Comba Campoi e Montserrat Recalde, e que desenvolveron a súa loita conscientes de que alí onde se edificou masivamente, a maioría da veciñanza apoiaba o modelo.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal