Artigos de Ordenación do territorio. Revista CERNA, medio ambiente e ecoloxismo da man de ADEGA
O Plan de Ordenamento dos Recursos Naturais das Fragas do Eume
Rogelio Fernández Díaz
Páx. 14-20
O PORN é un documento técnico de traballo que establece unha situación de óptimos, e que serve exclusivamente de base para unha saída necesariamente negociada. Os obxectivos básicos do PORN son a conservación, o apoio loxístico e o desenrolo sustentable.Inclúese ademáis un artigo de Carlos Vales titulado "Parque Natural das Fragas do Eume: Virtudes e defectos do Proxecto" e outro referido ó "Posicionamento de ADEGA ante o PORN das Fragas do Eume" de Manuel Soto Castiñeira.
OPINIÓN: Éxito na loita contra os impactos ambientais das concentracións parcelarias?
Miguel Marvoa
Páx. 31
Miguel Marvoa, do MEL (Movimento Ecoloxista da Limia) analisa o proceso de luita contra os efeitos ambientais da concentración parcelária na Limia, e por extensión na Galiza. Fai-no a través do seguimento da denúncia presentada ante a Unión Europeia, sen poder chegar a conclusión de que en Bruselas a preocupación polo meio ambiente esté a altura do que a miudo presupomos. De todas formas, esa denúncia, xuntamente co resto da forte campaña desenvolvida en todo o pais sobre este tema, deron de si algúns resultados positivos, traducidos polo momento na realización de estudos sobre o impacto ambiental das parcelárias, na paralisación da concentración de Congostro, na consideración a nivel interno de Estructuras Agrárias de certas medidas preventivas, e na posibilidade de que os proxectos de concentración sexan sometidos no futuro a Avaliación de Impacto Ambiental.
O monte de San Pedro
Mercedes Pérez
Páx. 20-21
Na fin do mar de Orzán , ao noroeste da cidade da Coruña, érguese o monte de San Pedro. Este anaco de costa virxe entre San Roque e o Portiño é o derradeiro espazo natural que lle queda á cidade totalmente libre da man do home. Lamentablemente o furor inmobiliario e a controvertida forma ten o ser humano de adaptarse ao medio farán da súa ladeira un espazo pavimentado para "desfrutar" desde o automóbil. As obras de ampliación do paseo marítimo da Coruña, supoñerán o desmonte de gran parte da ladeira do acantilado coa inevitable desaparición e dano irreparable para importantes especies de flora e fauna propias desta zona do noso litoral.
Plan Galicia
Xan Duro, Xosé Veiras
Páx. 29-31
O 26 de xaneiro aprobouse o Plan Galicia para o impulso e expansión de GZ Un plan impreciso, feito ás presas sen diálogo e sen participación social, que procura ante todo un impacto mediático e propagandístico para conter o desgaste político dos gobernos do Partido Popular pola súa nefasta xestión ante o Prestige. Este amosa outra nova marea destrutora do noso ambiente, neste caso de cemento, formigón e asfalto. O mellor do Plan é a súa escasa credibilidade. O movemento ecoloxista non reclama a súa aplicación, senón un desenvolvemento ecoloxicamente sustentable e socialmente xusto.
A Ulloa ameazada
Braulio Vilariño, Xesús Perreiras
Páx. 22-23
A Ulloa, comarca constituída polos concellos de Monterroso, Antas de Ulla e Palas de Rei, está moi ben definida xeograficamente, xa que se corresponde coa parte alta da bacía do Ulla e está limitada por montañas en todo o seu contorno, menos polo Oeste por onde se abre paso o Ulla. Se ben as ampliacións das pradarías a partires dos anos 70, á costa en moitos casos de terreos arborados, e a tala lenta mais continua que na actualidade se está a facer das árbores autóctonas, están a reducir a extensión deste bosque, aínda é posíbel desfrutar dunha paisaxe onde as chousas de carballos, os soutos, os bidueirais, son as protagonistas.
Dossier: A construcción da Galiza urbana
X.L. Martínez Suárez
CERNA Nº 41 - Especial: Urbanismo
Páx. 1-8 Dossier
Estamos diante da gran tramolla da "arquitectura das estrelas". Fora do reducido espazo escénico no que se está á desenvolver o espectáculo emerxen os vellos problemas de sempre que seguen á estar na orixe das preocupacións cotiáns da inmensa maioría da poboación: o dereito á vivenda, o problema do tráfico e do transporte, o cancro da especulació inmobiliaria, o dereito á cidade e á loita contra a exclusión social e a marxinalidade espacial, a defensa da natureza e do meio ambiente, en fin, o respeto a unha cultura e a unha historia que ten escritas na individualidade das paisaxes territoriais e urbanas, as chaves que unha vez desveladas constituirán un dos activos fundamentais para a plasmación dun urbanismo sustentábel na construción da Galiza urbana.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal