Revista CERNA

Buscador

Formulario de busca

Directrices de ordenación do territorio. Novos instrumentos para políticas caducas

Fins Eirexas

CERNA Nº 63 - Galiza: Territorio agredido

Páx. 22

Ante as novas Directrices de Ordenación do Territorio que vai presentar a Xunta, procúranse algúns cambios para evitar que esta nova DOT permita como ten previsto unha “flexibilización” da lei de solo, desmantelar o chan rústico protexido, anmistías e convenios urbanísticos e a desconstrución da cativa rede de espazos naturais.

A vergoña do encoro verde

Daniel López Vispo

CERNA Nº 63 - Galiza: Territorio agredido

Páx. 10 - 11

Este verán, unha vez máis, a contaminación da auga do río Umia por cianobacterias do xénero Microcystisten obrigado ás autoridades municipais de Caldas de Reis a interromper o subministro de auga potábel desde a captación de Segade. Desde 2006 este feito vense repetindo cada ano, de xeito que parte da poboación do Salnés ten que ser abastecida por medio de camións cisterna de auga procedente dos depósitos da ETAP de Vilagarcía. Este ano, a proliferación da cianobacteria foi espe-cialmente impactante. A súa extraordinaria explosión faise visíbel no espesor da lámina verde intenso de microalgas que cobrea superficie do encoro de Baxe e no cheiro que desprende. A falla de garantías sobre a completa salubridade das augas que discorren abaixo do encoro para o abastecemento da poboación reactiva a denuncia social que reclama, dunha vez por todas,a liberación das augas da presa e, por tanto, o derrubo do encoro, hoxe destinado exclusivamente á produción hidroeléctrica.

Lodos vermellos. Galiza mira a Hungría

Ramón Varela Díaz

CERNA Nº 63 - Galiza: Territorio agredido

Páx. 12 - 14

En outubro de 2010 produciuse un vertido de 800.000 toneladas de lodos vermellos, que escaparon dunha balsa e causaron numerosos danos persoais, a morte de nove persoas e máis de 200 feridos, e a destrución de hábitats próximos. A mala xestión que fixo a empresa de aluminios instalada en Hungría é a mesma que fai alumina aluminio na súa fábrica de Alcoa situada no norte da provincia de Lugo. Así, ponse de manifesto o perigo que supón para os galegos as súas instalacións e o sinxelo que sería evitalo se a propia empresa tivera un interese real polo ambiente, máis se a lexislación non lles obriga o máis probable é que este desastre volva ser noticia en calquera punto de Europa proximamente.

O urbanismo na Galiza. De onde vimos e a onde imos

Fernando Adolfo de Abel Vilela e Froilán Pallín Seco

CERNA Nº 63 - Galiza: Territorio agredido

Páx. 20 - 21

Recorda o profesor Tomás Ramón Fernández, na súa xa clásica obra Manual de Dereito urbanístico, unha cita do libro branco inglés Land, cal é o quicio do fenómeno urbanístico como feito de relevancia social e económica. Sen reproducila na súa integridade, chega a referencia á súa primeira frase: “de todos os recursos materiais dos que se pode dispoñer nestas illas, o solo é o único que non se pode incrementar”. Evidentemente, a afirmación é esaxerada, mais non por iso deixa de ser certa. O urbanismo no Estado español ten tornado nun problema nos tempos modernos, a partir da época do “desarrollismo” económico, un problema ao que non somos alleos na Galiza e que, coma se fose unha árbore perversa, veu desenvolvendo ramificacións diversas, mesmo penais. E na base do problema está a concepción do solo como un produto susceptíbel de ser transformado sen outros condicionamentos que a definición dun proceso pouco menos que industrial. Pretendemos neste breve escrito reflexionar acerca do tremendo erro que tal entendemento supón e sobre as súas gravísimas consecuencias.

O camiño de ferro e a planificación territorial

Xosé Carlos Fernández Díaz

CERNA Nº 63 - Galiza: Territorio agredido

Páx. 26 - 28

Galiza segue a ter unhas comunicacións entre as súas zonas rurais moi precaria, só as cidades se conectan entre elas e coa península dunha forma axeitada, mentres o rural fica a distancias imposibles para o seu desenvolvemento óptimo, o que provoca o seu despoboamento e a emigración cara as cidades, a isto hai que sumarlle os plans dos curtos gobernos que rara vez cumpren uns prazos optimistas e que teñen en mente as masas de votos en detrimento das melloras que outros plans máis ambiciosos traerían a nosa terra, isto evitaríase cunha maior transparencia nestas concesións, máis a administración procura trabas para que isto non ocorra e o pobo non teña acceso a informacións sobre custes e rendibilidade destas infraestruturas.

Os criterios de ordenación territorial e os montes veciñais

Xosé Alfredo Pereira Martínez

CERNA Nº 63 - Galiza: Territorio agredido

Páx. 26 - 28

A nova Directrices de Ordenación do Territorio aprobada polo PP é un novo intento colonialista que procura o beneficio as grandes empresas da metrópole, con esta nova DOT e a supresión das axudas da consellería de medio rural do anterior goberno, o PP procura a privatización dos montes veciñais en man común, so lle falta un cambio xurídico, que será unha perda para os comuneiros e para toda a sociedade galega xa que este é un dos nosos trazos de identidade. A política do PP céntrase en situar os recursos do rural galego como un ámbito de lecer para as persoas de clase alta e como un recurso enerxético fomentando as plantacións de eucaliptos para o aproveitamento en 4-5 anos nas centrais de biomasa.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal