Buscador
O Plan de Ordenamento dos Recursos Naturais das Fragas do Eume
Rogelio Fernández Díaz
Páx. 14-20
O PORN é un documento técnico de traballo que establece unha situación de óptimos, e que serve exclusivamente de base para unha saída necesariamente negociada. Os obxectivos básicos do PORN son a conservación, o apoio loxístico e o desenrolo sustentable.Inclúese ademáis un artigo de Carlos Vales titulado "Parque Natural das Fragas do Eume: Virtudes e defectos do Proxecto" e outro referido ó "Posicionamento de ADEGA ante o PORN das Fragas do Eume" de Manuel Soto Castiñeira.
Roteiro: O canón e o val de Neira; unha paisaxe para disfrutar
Daniel Vispo, Manuel Soto e Esther Rodríguez
Páx. 33-35
No Val do Neira séntese fortemente a paz e a tranquilidade que a natureza harmoniosa nos transmite. As paisaxes tradicionais galegas poden vivirse aínda hoxe na súa plenitude. Esta paisaxe combina os campos e pastos cunha rica vexetación autóctona. Só as grandes pendentes, que chegan ao 200%, se nos mostran espidas e agrestes.
DOSSIER: 50 anos abondan
Cerna/Redacción
Páx. 21-32
A política do FMI, o Banco Mundial e o GATT ten agravado a desigualdade entre o centro e a periferia e potenciado a destrucción medioambiental no mundo. No 50 aniversario do BM celebrado en Madrid a principios de outubro, máis de 1.500 persoas, representantes de diversas ONG ou simplemente persoas interesadas nos problemas do Terceiro Mundo e do Medio Ambiente, reuníronse ao seu carón para lle desexar un infeliz cabodano, e firmar un manifesto no que se pide a súa disolución. CERNA ofrece neste dossier a declaración completa deste Foro Alternativo, así como unha man de pequenos comentarios autoría de Joam Carmona que amplían algunhas das referencias que se conteñen no manifesto.
Ericáceas galegas
Henrique Niño Ricoi
Páx. 37-39
Moitas ericáceas son usadas como arbustos ornamentais, a máis importante delas posiblemente sexa Rhododendron, xénero non autóctono de Galicia pero que pode verse a miúdo cultivado en parques e xardíns. Erica e Calluna son outros xéneros que actualmente están adquirindo unha grande importancia en xardinería.As bagas dalgunhas das especies son comestibles e, por elo, se cultivan nalgunhas partes do mundo. Outras son tóxicas para o home e o gando. A madeira de outras aínda ten importancia en moitos países como combustible ou para ebanistería. En Galicia tivo eses usos no pasado.
Ragnar Hult: As excursións dun científico finlandés en 1899 pola Galiza
Xosé A. Fraga Vázquez
Páx. 40-41
O xeógrafo e botánico Hult visitou Galiza no ano 1899 co fin de levar a cabo investigacións xeomorfolóxicas. Nos meses de estancia este profesor finlandés percorreu o país e deixou as súas impresións sobre a nosa Natureza.
Manuel María: A voz natural dun labrego con algo de poeta (I)
Emilio Xosé Ínsua
Páx. 42-44
Percorrido pola obra literaria do autor, a través de títulos salientables e anacos da súa poesía. Acrecentaremos nesta entrega novas formas da fortísima implicación que todo o relacionado coa natureza posúe na súa obra.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal