Buscador
As térmicas de carbón apáganse
Xosé Veiras García
CERNA Nº 83 - Electrointensivas con data de caducidade
Páx. 13-15
O carbón foi, despois do petróleo, a principal fonte de enerxía primaria de Galiza durante os últimos 40 anos. As centrais termoeléctricas das Pontes e Meirama transformaron carbón autóctono (lignito) e importado en electricidade que contribuíu a cubrir o crecemento do consumo interno e a manter o saldo exportador de enerxía final. Sempre cun elevado prezo socioambiental, aquén e alén das nosas fronteiras. Hoxe, a emerxencia climática impón o seu peche.
Central térmica elétrica de As Pontes, Alcoa, feche já!
Gabriel López Garcia
CERNA Nº 83 - Electrointensivas con data de caducidade
Páx. 16-18
Há cousa de uns meses tive a oportunidade de escrever um breve artigo a respeito do iminente feche da Central Eléctrica de As Pontes e da planta alumineira de Sam Cibrao, n´a Marinha. A limitaçom do espaço fizera que umha boa parte do argumentário a prol do feche destas indústrias ficara pendente, mas agora temos a oportunidade de acrescentá-lo e apresentar a realidade de duas empresas perfeitamente prescindíveis desde o ponto de vista ambiental, económico e social para Galiza.
Impacto ambiental da gandería industrial na Limia
Manuel García
CERNA Nº 83 - Electrointensivas con data de caducidade
Páx. 19-21
A industria de produción intensiva de carne barata na Limia fracasa estrepitosamente ao non ser capaz de xestionar adecuadamente os residuos que xera. A Limia ten que absorber cada ano máis de 1.000.000 de toneladas de residuos gandeiros que son vertidos ao medio provocando a contaminación dos recursos hídricos. Grupos ecoloxistas como MEL e SGHN veñen denunciando desde hai anos esta desfeita ante as administracións recibindo a calada por resposta. A denuncia ante Bruxelas desta problemática, a declaración de augas afectadas por parte do Ministerio, así como a mobilización veciñal poden axudar a cambiar a actitude da Consellería de Medio Rural, da Confederación Hidrográfica e das industrias cárnicas.
O Proxecto Virada monitoriza cetáceos para reducir as súas capturas accidentais en Galicia
Jose A. Martínez, Iago Izquierdo e Alfredo López
CERNA Nº 83 - Electrointensivas con data de caducidade
Páx. 22-24
As augas galegas son un escenario no que se producen numerosos e diversos tipos de interaccións entre os cetáceos e a actividade pesqueira. Contamos cunha comunidade de cetáceos composta por máis de vinte especies, que comparte o seu hábitat cunha moi numerosa e variada flota pesqueira, á que pertencen o 85% dos barcos que faenan nas augas do caladoiro Cantábrico Noroeste. O Proxecto VIRADA, en activo desde 2019, aborda esta relación e busca reducir a mortalidade por captura accidental en artes de pesca da toniña e o arroaces.
O medio ambiente nos Concellos: a Ría de Ferrol
Pedro Santiago/Cerna
Páx. 37-40
Aínda sendo unha comarca densamente povoada, Ferrol carece dunha industria pesada que xenere fortes problemas ambientais, e persisten numerosas zonas en estado case natural, algunhas delas protexidas. Ademáis analízase a situación dos demáis concellos da ría, como Mugardos, Ares, Neda, Fene e Narón. Destaca o caso de Mougán, que constitúe a mellor solución ao problema do lixo para a maioría dos concellos que optan pola reciclaxe e a compostaxe frente á incineración.
ACTIVIDADES
Cerna/Redacción
Páx. 41-42
Distintas propostas e apuntes relacionados có medio ambiente:- Agricultura biolóxica e agricultura ecolóxica- Naturama: Certame de video sobre o medio ambiente- Actividades xuvenís no Concello de Oleiros- Representantes ecoloxistas na Administración Hidráulica- Actividades da Casa da Terra- Fundamentalismo ou miserabilismo?
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal