Buscador
Entrevista a Virxinia Rodríguez
Belén Rodríguez
CERNA Nº 60 - Sentenzas Xudiciais: Caso Rinlo
Páx. 11
“Debemos fortalecer o ecoloxismo para poder afrontar as novas ameazas”.Virxinia Rodríguez, nova presidenta de ADEGA, cóntanos as súas preocupacións, inquedanzas e plans para esta nova etapa na organización, o papel que nela seguirá tendo a anterior presidenta, Adela Figueroa, a creación da Fundación Cerna Viva e sobre a defensa e ampliación e defensa dos espazos protexidos da Rede Natura. A defensa do medio ambiente ten que ser activa, implicando a sociedade en todos e cada un dos proxectos, e máis no momentos convulsos que se están a vivir hoxe en día.
Caso Rinlo: a dignidade recuperada
Daniel López Vispo
CERNA Nº 60 - Sentenzas Xudiciais: Caso Rinlo
Páx. 12 - 13
“A dignidade recuperada: un treito de litoral que se conserva, unha Rede Natura que empeza a ser”. Con estes enunciados, así de bre-ves, resume Daniel Vispo o resultado desta longa loita reivindicativa en defensa, no só dun espazo da nosa Rede Natura do litoral (LICde As Catedrais), senón da dignidade de todos os nosos espazos protexidos, do noso litoral e, e en suma, das xentes de Rinlo, de Riba-deo e da Mariña en xeral. A Vispo, secretario xeral de ADEGA no momento de coñecerse o proxecto de piscifactoría para Rinlo, debé-moslle en boa medida o acerto e o impulso continuado a unha loita con froitos que catro anos despois se mostran como definitivos eesperanzadores. Neste artigo destaca algúns aspectos quizais intanxíbeis pero de grande importancia da mesma.
Caso Rinlo: A xustiza anula o proxecto acuícola de Rinlo polo seu impacto ambiental
Apolinar Gómez Roca
CERNA Nº 60 - Sentenzas Xudiciais: Caso Rinlo
Páx. 14 - 15
Tras catro anos de contenda xudicial contra Acuinor e a Xunta de Galiza, ADEGA consegue defender o espazo natural protexido LIC As Catedrais e zona Rede Natura 2000, no termo municipal de Rinlo, da pretendida instalación dunha planta de acuicultura que afectaría de xeito irreversíbel aos hábitats alí protexidos pola Unión Europea. Dúas sentenzas da Sala do Contencioso Administrativo do Tribunal Superior de Xustiza de Galiza veñen de dar a razón a ADEGA, aténdose a preceptos legais, que poden sentar precedente para a futura defensa doutros espazos incluídos en Rede Natura e que estean ameazados por algún proxecto industrial. Neste artigo, un dos puntais do éxito de ADEGA nesta loita, o seu avogado, Apolinar Gómez Roca, relata o contido das dúas sentenzas e os fundamentos nos que se basean as devanditas resolucións xudiciais.
Hábitats da península do Cabo Touriñán
Xabier Amigo Vázquez
CERNA Nº 60 - Sentenzas Xudiciais: Caso Rinlo
Páx. 16 - 17
Neste breve informe dáse conta, desde a observación do experto e profesor en Botánica, Xabier Amigo, dos hábitats e especies vexetais presentes en Cabo Touriñán (concello de Muxía), “terra prometida” polo actual goberno autonómico a Pescanova para a instalación dunha granxa acuícola de cultivo de rodaballo. Este mesmo proxecto fora desbotado polo anterior Executivo, que agora se recupera contra a vontade do movemento ecoloxista e a pesar de que Cabo Touriñán é Lugar de Interese comunitario, Zona de Especial Protección dos Valores Naturais e zona pertencente á Rede Natura 2000.
Medio físico e ordenación do litoral en Galiza
Juan López Bedoya
CERNA Nº 60 - Sentenzas Xudiciais: Caso Rinlo
Páx. 18 - 21
A ordenación do territorio é un eficaz instrumento de aforro, no referido aos investimentos públicos no territorio, e de preservación dos valores naturais. Esta última debe contar coa participación dunha comunidade científica independente, non instrumentalizada polos grandes axentes económicos ou os partidos políticos. A visión tecnicista do medio físico, especialmente en áreas tan sensíbeis como a costa, levou aos límites da capacidade de carga do medio natural. Desta actitude derivan perdas económicas e medioambientais previsíbeis que alimentan investimentos restauradores nun círculo vicioso non casual e no que a administración pública acaba salvagardando os intereses privados.
O Intermareal, un espazo cheo de vida
Xandro García Regueira
CERNA Nº 60 - Sentenzas Xudiciais: Caso Rinlo
Páx. 22 - 23
O intermareal é a porción de costa máis próxima ao dominio terrestre, situada entre as posicións que acadan as mareas: entre o máximo histórico de marea alta e mínimo histórico de marea baixa. Nas nosas costas a distancia vertical entre estes dous extremos é aproximadamente de 4 metros e temos dúas mareas altas e dúas mareas baixas ao día. Por diversos factores, o intermareal é unha zona de fortes contrastes, grande variedade de hábitats e elevada produtividade.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal