Buscador
Entrevista a Francisco Sóñora
Entrevistado por Belén Rodríguez
Páx. 18 - 19
O Proxecto Climántica, como proxecto educativo, está impulsado polas Consellarías de Medio Ambiente e de Educación para achegar a problemática do Cambio Climático as escolas galegas. O proxecto foi presentado en Cuba, Portugal, Arxentina e, mesmo diante da ONU, co obxectivo de incorporar a temática do Cambio climático nos currículos escolares destes países, especialmente polo interese da metodoloxía desenvolvida. Para Francisco Sóñora, responsable e coordinador de Climática, o grande está agora en facer chegar este proxecto educativo a múltiples sectores, buscando mecanismos para que esta dinámica vaia prendendo noutros ámbitos sociais. Velaquí a conversa con Francisco Sóñora.
Residuos e Cambio climático
Marta Domínguez
Páx. 20 - 21
Os residuos que se xeran cada día son responsables do 3.1% das emisións totais de gases de efecto invernadoiro na UE, por iso e coa finalidade da redución destas emisións un cambio na xestión dos residuos provocaría un descenso significativo na emisión destes gases. Así pódese traballar de dúas formas para esta redución: Por unha banda, non teríamos tantas emisións se apostásemos pola reciclaxe dos residuos aforrando as materias primas e a súa transformación, se compostásemos os residuos aforrando fertilizantes e por último usando a enerxía que se xera nestes procesos. Por outra banda, secuestrando o carbono almacenando residuos biodegradables en vertedoiros sen tratar para que se degraden lentamente, con tratamentos biolóxicos dos residuos biodegradables, e almacenando como humus estabilizado o carbono presente no compost.
Algo máis que Cambio Climático
Augusto Pérez Alberti
Páx. 22 - 24
O cambio climático é un tema que está collendo unha importante presenza nos medios de comunicación provocando inquedanzas nos cidadáns comúns que non entenden moi ben o que está pasando. Os cambios climáticos producíronse moitas veces ao longo da historia, máis o que nos debe preocupar é o rápido cambio climático provocado polos seres humanos que non permite a adaptación das especies. Ademais é imposible predicir o futuro, non sabemos se teremos un quecemento xeneralizado ou ben unha época de arrefriamento. Sería importante estudar o pasado para non cometer erros pase o que pase porque se o nivel do mar sube vai ser difícil que as construcións próximas a costa se salven ou se baixa que algúns portos queden obsoletos. Ademais, hai que traballar para crear un mundo sostible e non vale con cambiar as emisións de CO2 por residuos nucleares que nos traerán outros problemas.
Plan director de estradas. “Seguindo a política da avestruz”
Adela Figueroa Panisse
Páx. 25
Ven de presentarse o novo Plano Director de Estradas no que se prevé a construción de máis vías de alta velocidade, máis estas vías só as poden usar os vehículos motorizados que usan combustibles fósiles e emiten gases de efecto invernadoiro a atmosfera, ademais o prezo dos mesmos non para de subir até que sexa inaccesible xa que é un recurso cada máis escaso, entón non sería mellor apostar por outros medios de transporte coma os trens que eviten todos estes males?
Xornadas sobre transportes. Galiza no vagón de cola
Belén Rodríguez
Páx. 26 - 27
ADEGA puxo a debate a problemática dos transportes en Galiza como unha das principais fontes de contaminación difusa do país e factor determinante bo seu desenvolvemento económico e social. Foi nas xornadas sobre Transportes celebradas na capital luguesa os pasados 23 e 24 de maio, na cámara de comercio. A prevalencia do transporte por estrada, a falla dunha rede de camiños de ferro galega e a ausencia de políticas transversais que acaden consensos de carácter colectivo e sostíbel na materia, puxeron de manifesto a urxencia coa que é preciso abordar esta temática.
A recuperación dos ríos e ribeiras
Benxamín Cela
Páx. 28 - 29
ADEGA promoveu unha ILP para a protección de ríos e ribeiras, que foi apoiada pola federación Galega de Pescadores, esta foi aprobada en Xuño de 2006, máis permanece agochada porque non se avanza en absoluto na protección das nosas augas. As minicentrais, encoros, cultivos nas marxes do río e vertidos ilegais son unha constante nos nosos ríos sen que ninguén actúe. E por se fose pouco, as iniciativas que se toman dende a administración, nunca teñen en conta as persoas locais e propietarios, que deberían ser os máis implicados cando se trata dun ENP.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal