Buscador
María Novo: "Agora dubido se estamos a tempo de cambiar"
Belén Rodríguez
CERNA Nº 54 - Viaxe ao Bidueiral de Montederramo
Páx. 14 - 16
Esta galega declárase amante do coñecemento, da arte, da escritura e de provocar preguntas. Estreouse como escritora co libro "Eu non sei" a mediados dos setenta, época na que tamén nacía a súa face ecoloxista na procura da salvación do Monte de Santa Margarita de A Coruña fronte a especulación urbanística. Desde que fixo a súa tese doutoral sobre a Educación Ambiental, tenta conxugar a súa experiencia científica co seu lado máis artístico para construír o seu discurso ambiental, pretensión que logo derivaría no "proxecto Ecoarte", do que é directora. É doutora en Filosofía e Ciencias da Educación e autora de 20 libros sobre medio ambiente e sobre narrativa e relatos. En 1996 a UNESCO concédelle a Cátedra de Educación Ambiental e Desenvolvemento Sostíbel, que dirixe desde entón na UNED, en Madrid.
Un programa de traballo para as áreas protexidas
Javier Puertas
CERNA Nº 54 - Viaxe ao Bidueiral de Montederramo
Páx. 18
EUROPARC-España é a Sección do Estado español da Federación de Parques Naturais e Nacionais de Europa. É unha organización na que participan as administracións públicas con competencias en materia de conservación da natureza e espazos naturais protexidos (ENP), e constitúe o principal foro profesional no que participan activamente técnicas, xestores e responsábeis destes para elaborar propostas para a súa mellora. Desde que nace, en 1993, desenvolve a súas funcións a través da Oficina Técnica Fundación Interuniversitaria Fernando Gonzáles Bernáldez, o instrumento legal e administrativo que lle dá persoalidade xurídia e que outorga o apoio académico para a toma de decisións na xestión.
Javier Puertas:“ Na conservación, o imprescindíbel é marcarse obxectivos explícitos e concretos”
Belén Rodríguez
CERNA Nº 54 - Viaxe ao Bidueiral de Montederramo
Páx. 19
Entrevista a Javier Puertas, técnico EUROPARC-España que nos fala sobre os Espazos Naturais Protexidos e de se é posible combinar a figura de ENP co patrimonio cultural, e cas actividades tradicionais. Tamén fala sobre algunhas iniciativas de desenvolvemento sostible nestes espazos e o papel dos gobernos autonómicos para a consecución destas.
As marismas
Henrique Niño Ricoi
CERNA Nº 54 - Viaxe ao Bidueiral de Montederramo
Páx. 21 - 22
As marismas son áreas do litoral, inundadas periodicamente polas augas do mar e pola descarga da auga que procede dos ríos. Debido as características tan particulares das marismas, a vexetación que alí nace ten que adaptarse a condicións extremas debido á salinidade da auga e á exposición e ao ambiente despexado e moi iluminado no que habitan. A disposición da vexetación configúrase por bandas tendo en conta o nivel de salinidade da auga e o substrato no que se asentan.
Floración de cianobacterias tóxicas en augas continentais
Fernando Cobo Grandín
CERNA Nº 54 - Viaxe ao Bidueiral de Montederramo
Páx. 24 - 27
Na actualidade moitas masas de auga están a experimentar unha eutrofización de orixe antrópica polo incremento da poboación e das achegas de nutrientes á auga procedentes dos incendios forestais, da agricultura, das augas residuais urbanas, das industrias, da minería, etc. Isto pode favorecer a proliferación masiva ou "floración" (HABs: "harmful algal blooms" ou simplemente "blooms") dos organismos do fitoplancto. As floracións descríbense como incremento da biomasa do fitoplancto moi por enriba do normal.As floracións de Cianobacterias son as máis estudadas e coñecidas xa que producen un efecto letal sobre os diversos organismos, debido ao aumento na produción de metabolitos tóxicos. Trátase dun problema ambiental con repercusións sobre a saúde humana e animal.
Mellora da eficiencia enerxética en edificios públicos
Xesús Giz
CERNA Nº 54 - Viaxe ao Bidueiral de Montederramo
Páx. 29 - 31
Neste artigo descríbense actuacións de mellora da eficiencia enerxética do alumeado en edificios públicos como son dúas DEPENDENCIAS da Universidade da Coruña (UDC). A adecuación dos niveis de iluminación a valores normativos, a consecución de uniformidade e a mellora da eficiencia lumínica foron os obxectivos destas actuacións en dúas aulas especiais e na aula magna da Escola Universitaria de Arquitectura Técnica da UDC.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal