Buscador
A Ulloa: a loita contra os encoros
Xesús Pereiras, Xan Louzao, Xosé A. Rodríguez
CERNA Nº 41 - Especial: Urbanismo
Páx. 24-25
Diferentes organizacións estanse á mobilizar no cernde de Galiza para salvar o espazo fluvial máis singular de toda a bacía alta do Ulla: as Torrentes de Mácara ou de Ramil, situadas entre os concellos de Palas, Antas e a Golada. Nun tramo de perto de tres quilómetros o río salva un desnivel duns 100 metros de altitude cunha serie contínua de fervenzas e rápidos de enorme beleza e que deben ser dos máis longos do País. Máis nons e trata só do río, senón que a topografía fragosa e inacesíbel determinou un ecosistema de ribeira ben conservado, onde son protagonistas árbores que están aquí no seu limite ambiental coma os érbedos, freixos, amieiros, salgueiros...
Polas fervenzas do Ulla
Ramsés Pérez
CERNA Nº 41 - Especial: Urbanismo
Páx. 26-27
Este roteiro sitúase no centro de Galiza, na zona máis occidental da Comarca da Ulloa, País do Alto Ulla como a denominou Otero Pedrayo, conformada polos concellos de Antas de Ulla, Monterroso e Palas de Rei. Os dous percorridos Ramil- Fradegas e Fradegas -Ramil que se describen aquí, xunto con outras variantes como Fradegas-Pambre, xa teñen dado a coñecer a centos de persoas este lugar único e irrepetíbel.
RUTO: Solucións ao transporte no rural
Miguel Pazos Otón
CERNA Nº 41 - Especial: Urbanismo
Páx. 28-29
ARTS é un proxecto de investigación do Quinto Porgrama Marco da Unión Europea, que trata de poñer en funcionamento novas e innovadoras formas de transporte rural en áreas de baixas densidades de poboación. Unha das experiencias, coordenada en Galicia pola Xunta de e a Universidade de Santiago , desenvolveuse no pasado ano 2003 con éxito na montaña ourensá, integrando os servizos de transporte escolar e regular de viaxeiros.
A utilidade da bicicleta no transporte urbano e interurbano
Xan Duro
CERNA Nº 41 - Especial: Urbanismo
Páx. 30-33
Nos últimos anos estamos a asistir a unha explosión desmesurada da demanda de mobilidade que está a converter o transporte nunha das principais causas da crise ecolóxica global e nun dos problemas fundamentais da nosa sociedade. As consecuencias están á vista: efecto invernadoiro, contaminación acústica, atmosférica e do chan, perda de calidade de vida nas cidades, incremento da accidentalidade... Cómpre dar un xiro radical na forma de entender o transporte, aplicando criterios ecolóxicos e de sustentabilidade na súa xestión. Neste campo, a bicicleta ten demostrado a súa utilidade polo que é preciso recuperar o seu papel central na mobilidade.
O traballo de ADEGA 500 días despois
Xabier Vázquez, Martiño Nercellas
CERNA Nº 41 - Especial: Urbanismo
Páx. 34-35
Certo é que lonxe estamos das imaxes nas que se acumulaba o chapapote por metros e km de costa, pero a situación actual segue a ser mala. A marea negra segue a tinguir as rochas, coídos e algunhas praias ano e medio despois. As consecuencias de calquera grande marea negra amósanse maioritariamente a longo prazo, co Prestige está a acontecer algo pronosticábel, como a diminución na taxa de reprodución e aparición de malformacións nos organismos dos niveis tróficos inferiores. A magnitude dos procesos de bioacumulación e danos subletais que se prevén para as especies de maior tamaño so se coñecerán máis tarde. Compre denunciar, por tanto, a ambigúidade dos informes dalgúns centros de investigación, sobre todo dos adscritos á Consellería de Pesca. Non podemos permitir que o esquecemento borre a necesidade de respostas á nefasta xestión da catástrofe do Prestige.
O fracaso das políticas de aforro enerxético
Fernando Blanco Silva
CERNA Nº 41 - Especial: Urbanismo
Páx. 38-39
A enerxía é un problema serio nos nosos días. Nos últimos vinte anos vivimos tres guerras causadas polo petróleo e as empresas enerxéticas cada vez teñen máis forza en todo o mundo. As Crises do Petróleo de 1973 e 1979 fixeron que os países pensaran no aforro enerxético e nas renovábeis coma unha solución para evitar a oleodependencia. A partir dos anos 90 os países con maior consumo comezaron a modificar as súas políticas enerxéticas, con intención de reducilo e promover o uso das enerxías renovábeis, pero estas políticas continúan a fracasar, situándonos diante dun futuro incerto.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal