Artigos de Desenvolvemento sustentábel. Revista CERNA, medio ambiente e ecoloxismo da man de ADEGA
DOSSIER: 50 anos abondan
Cerna/Redacción
Páx. 21-32
A política do FMI, o Banco Mundial e o GATT ten agravado a desigualdade entre o centro e a periferia e potenciado a destrucción medioambiental no mundo. No 50 aniversario do BM celebrado en Madrid a principios de outubro, máis de 1.500 persoas, representantes de diversas ONG ou simplemente persoas interesadas nos problemas do Terceiro Mundo e do Medio Ambiente, reuníronse ao seu carón para lle desexar un infeliz cabodano, e firmar un manifesto no que se pide a súa disolución. CERNA ofrece neste dossier a declaración completa deste Foro Alternativo, así como unha man de pequenos comentarios autoría de Joam Carmona que amplían algunhas das referencias que se conteñen no manifesto.
A Axenda 21 en Santiago de Compostela
Elvira Cienfuegos
Páx. 14
O 27 de Abril de 2000 o Concello de Santiago de Compostela acordou en sesión plenaria sumarse á Carta das Cidades e Vilas Europeas para a Sustentabilidade (Carta de Aalborg), asumindo como propios os criterios de actuación contidos nela e comprometéndose, entre outros obxectivos, a iniciar un proceso de elaboración dunha Axenda 21 Local (A21L). Preveuse, nesta liña, a realización dunha auditoría ambiental que permitise coñecer en profundidade os problemas ambientais do municipio e identificar as vías para a súa resolución, de cara a establecer un plan de acción ambiental; e acordouse asimesmo á creación dun Consello Sectorial de Medio Ambiente que servise de canle de debate, participación e consecución de maior número de sinerxias positivas.
O despertar para a realidade
Susana Fonseca
Páx. 66-68
uercus , a principal asociación ambientalista portuguesa, estivo presente tanto no cumio oficial de Johanesburgo como no forum global de sociedade civil, celebrado paralelamente. Unha compañeira do grupo de traballo Río + 10 da Quercus, integrante da delegación que enviou esta asociación a Johanesburgo, exponnos neste artigo a súa visión do acontecido na cidade sudafricana.
O convenio de Aarhus
Manuel Soto Castiñeira
Páx. 69
Acceso á información, participación pública na toma de decisións e acceso á xustiza: tres piares para unha democracia ambiental. Analizamos o convenio Aarhus.
Johanesburgo e desenvolvemento sustentábel
Xosé Veiras
Páx. 64-65
No pasado Cumio sobre o desenvolvemento sostible, trataronse diferentes acordos para a mellora medioambiental. Máis como era previsto, non son suficientes. A lóxica da globalización neoliberal, xeradora de destrución ambiental e de desigualdade social, impúxose á lóxica do desenvolvemento sostible. Sen embargo aínda que o cumio constituíu un claro fracaso no seu conxunto, ofreceu algúns resultados positivos.
Consumo ecolóxico e solidario
Ramsés Pérez
Páx. 9
A globalización do mercado pretende a extensión dun modelo de consumo baseado na explotación do medio e das persoas, é necesario desenmascarar estas redes e crear e apoiar outras novas que reduzan o consumo nos países desenvolvidos e fomenten un verdadeiro desenrolo sustentable que impida aos países ricos vivir con máis do que poden consumir.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal