Buscador
O océano: clave para frear o cambio climático
Fiz Fernández Pérez
CERNA Nº 95 - O océano, chave para frear o cambio climático
Páx. 19
Importantes lagoas na investigación do carbono oceánico poderían invalidar algunhas predicións climáticas globais. Esta é a alerta da novo informe coordinado pola UNESCO e que analizamos neste artigo.
Eco-refuxiados/as: cambio climático e mobilidades (non)humanas
Jorge Sacido Romero e Noemí Pereira Ares
CERNA Nº 95 - O océano, chave para frear o cambio climático
Páx. 23
Este artigo analiza o preocupante aumento dos desprazamentos forzosos inducidos pola degradación ambiental e o cambio climático. A finais de 2024, máis de 123 millóns de persoas víronse obrigadas a fuxir, o que supón enfrontarse a un baleiro legal, xa que a figura de persoa ‘eco-refuxiada’ carece de recoñecemento xurídico internacional. O proxecto Eco-RefugLit da Universidade de Santiago de Compostela explora esta crise, ao vincular a vulnerabilidade humana coa de especies non humanas, dado que o cambio climático altera profundamente as dinámicas de ecosistemas enteiros. A través da literatura escrita en lingua inglesa, búscase visibilizar eticamente esta emerxencia climática compartida no Antropoceno e explorar como as formas estéticas e creativas contribúen á educación e comunicación sobre o nexo entre migración e degradación medioambiental.
Escombro, dioxina e silêncio: o rastro ambiental das guerras imperialistas
Oscar Valadares
CERNA Nº 95 - O océano, chave para frear o cambio climático
Páx. 27
O artigo trata a dimensom ecológica do imperialismo, especificamente a pegada ambiental das guerras imperialistas dos Estados Unidos nas suas dimensons de dependência fóssil, guerra química e destruiçom das bases ambientais para a vida, como análise muitas vezes secundarizada no ámbito do ativismo antiimperialista.
Os pesticidas prexudican a biodiversidade e as funcións do solo
Julia Köninger e María Jesús Iglesias Briones
CERNA Nº 95 - O océano, chave para frear o cambio climático
Páx. 30
Os pesticidas úsanse amplamente para protexer os cultivos, pero os seus efectos na biodiversidade do solo seguen sendo pouco coñecidos, a pesar do papel crucial que esta desempeña no mantemento de solos saudables. Este estudo a nivel europeo mostrou que o 70 % dos lugares investigados estaban contaminados por pesticidas. Aínda que algunhas bacterias aumentaron a súa abundancia en presenza de pesticidas, esta contaminación tivo un impacto negativo importante en varios organismos beneficiosos do solo, como os fungos micorrícicos e os nematodos. O estudo proporciona a primeira evidencia completa do impacto dos pesticidas na biodiversidade do solo en Europa e destaca a necesidade de mellorar as avaliacións de riscos e de información máis transparente sobre o uso de pesticidas.
As emisións á atmosfera en Galiza con datos do Rexistro Europeo PRTR
Ramón Varela Díaz
CERNA Nº 95 - O océano, chave para frear o cambio climático
Páx. 33
As emisións á atmosfera en Galiza, con datos do Rexistro PRTR1 2024 (feitos públicos en decembro de 2025), están por riba do que nos corresponde por poboación, extensión xeográfica e PIB. Un total de 19 contaminantes de 33 rexistrados superan o 5% do total das emisións do PRTR-España. Galiza, respecto do resto do Estado, ocupa o primeiro posto en cinco contaminantes, e outros cinco ocupan o 2º ou o 3º posto. Cómpre destacar as emisións de Repsol, da Central de Ciclo Combinado As Pontes, da Central Térmica de Sabón, do Complexo Ambiental Cerceda (SOGAMA), de Alúmina-Aluminio, das catro fábricas de taboleiros de Finsa, de dúas de ferroaliaxes de Xallas, de INTASA, PSA Stellantis, Ence de Pontevedra, Frinsa del Noroeste ou Greenalia Biomass.
O agro vivo ou aldeas baleiras, ideas para frear o abandonismo do campo
Manuel García
CERNA Nº 95 - O océano, chave para frear o cambio climático
Páx. 39
No interior da Galiza, a paisaxe fala: aldeas con máis casas pechadas ou caídas que fume nas chemineas, hortas e soutos abandonados, leiras comidas polo mato que se converten en pólvora para os grandes incendios. Mentres tanto, nas cidades discutimos de transición ecolóxica, cambio climático e soberanía alimentaria coma se fosen conceptos desligados da vida cotiá do noso rural. Mais a verdade é sinxela e incómoda: sen labregas e labregos, non hai país que resista.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal