Buscador
Urbanismo na Saíña e na Frouxeira (Valdoviño). Resiste a Rede Natura a presión urbanística?
Carlos Outeiro
Páx. 14
¿Quen non gusta de contemplar aos seus pés unha praia de mais de 3 quilómetro de area fina? Isto e o que podemos contemplar cando nos achegamos ao lugar d´ A Saiña, no concello de Valdoviño. Aínda así, isto non impide, que a día de hoxe, sen reunir as características necesarias, unha parcela deste lugar fique clasificado como Solo Urbano no planeamento urbanístico do Concello de Valdoviño e se inicien os traballos a instalación de vivendas e un hotel. Desde ADEGA denunciamos o inicio dunhas obras que non dispoñen das necesarias autorizacións, como as da D.X. Conservación da Natureza ou D.X. de Urbanismo.
Da vivenda rural e a paisaxe á especulación
Adela Figueroa Panisse
Páx. 15-17
En Galiza, os núcleos de poboación están indisolubelmente incorporados á paisaxe tradicional e responden a unha máxima rendibilidade das posibilidades do contorno. A aldea situábase normalmente ocupando as abas das montañas, deixando os terreos menos costentos e os inundábeis das beiras dos ríos, para cultivos de horta. Actualmente o que resalta é a diseminación desordenada no que o bosque achégase as casas e as casas invaden zonas que tradicionalmente eran de bosque.
Entrevista a Xoán Ramón Doldán: “ Algunhas centrais térmicas terán que desaparecer”
Por Belén Rodríguez
Páx. 18-21
Xoán Ramón Doldán é economista e profesor titular do Departamento de Economía Aplicada da Universidade de Santiago de Compostela (USC). A súa investigación principal na universidade céntrase no campo da economía dos recursos naturais, cun especial interese na economía da enerxía, análise de fluxos e contabilización do patrimonio natural, a economía pesqueira e a análise input-output. Sobre estes temas dirixiu varias teses doutorais e de licenciatura. Entre as súas publicacións destacan as seguintes: Informe da avaliación económica dos danos producidos pola marea negra do Aegean Sea; O impacto do Prestige. Análise e avaliación dos danos causados polo accidente do Prestige e dispositivos para a rexeneración medioambiental e recuperación económica de Galicia; Enerxía, materiais e auga na industria manufactureira galega; O petróleo como fonte de conflito internacional. Desde 2005 é Director do Instituto Enerxético de Galiza (INEGA), dependente da Consellería de Innovación e Industria.
Informe proxecto ríos 2006. O estado de saúde dos ríos galegos
Virginia Rodríguez, Paco Bañobre e Cristina Rosas
Páx. 22-23
Cada grupo de voluntarios/as do Proxecto Ríos fai un seguimento dúas veces ao ano (primavera e outono) dun treito de río. O seguimento inclúe o control de parámetros fisicoquímicos(caudal, velocidade da auga, anchura e fondo do leito, tipo de substrato, pH, nitratos…), parámetros biolóxicos (fauna, flora e estado do bosque de ribeira) e tamén a detención de posíbeis alteracións debidas a vertidos, presenza de contaminantes na auga, afeccións por seca... O informe anual 2006 presenta as principais liñas de traballo do voluntariado do Proxecto Ríos e resume o estado de saúde dos ríos galegos, derivado deste seguimento.
Plataforma pola defensa do río Verdugo: “No río Verdugo hai salmón e sería doado recuperalo”
Belén Rodríguez
Páx. 24
Existen moitos ríos galegos onde o salmón está considerado oficialmente unha especie extinguida. É o caso da conca Verdugo- Oitavén, catalogada pola Xunta de Galiza como curso fluvial exclusivamente troiteiro. Mais a Plataforma pola Defensa do río Verdugo (PLADEVER) leva uns anos afirmando a presenza de salmóns neste afluente e realizando tarefas de recuperación a man das femias que quedan atrapadas nas diversas presas do río no seu camiño cara as zonas de desove. O voceiro desta Plataforma, Alberte Lema, asegura que “ existen solucións moi sinxelas e baratas que permitirían aos salmóns contemplar o seu ciclo reprodutivo e que deberían ser adoptadas pola Administración para garantir a continuidade da especie.
O tempo dos ríos
Manuel Soto
Páx. 25-27
O pasado ano 2006 ofreceunos importantes novas en relación cos ríos, comezando pola toma en consideración da iniciativa lexislativa popular en defensa dos ríos e a súa aprobación como lei polo parlamento galego, pasando por interesantes publicacións sobre os ríos galegos. Entre estas, destacan “O tempo dos ríos”, libro publicado pola Universidade da Coruña, e “Os ríos galegos: calidade e biodiversidade” monografías nº 14 e 15 da serie ADEGA-Cadernos. Xunto coa paralización de decenas de proxectos hidroeléctricos, estes feitos son outra mostra da intensa loita a favor do uso social e a conservación do dominio público fluvial.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal