Buscador
16/09/2022 [00:10:00] [6.88 MB]
Boletín informativo ambiental 16/09/22
Adíase o fallo do Supremo sobre ENCE, aparece un novo gromo de botulismo no encoro de Vilagudín, e segue a afronta veciñal contra os megaproxectos eólicos e as centrais hidroeléctricas de bombeo que ameazan espazos de elevado valor ambiental. Retomamos o pulso informativo ambiental do país co boletín de novas de Radio Cerna!
12/08/2022 [00:10:00] [6.92 MB]
Boletín informativo ambiental 12/08/22
Nesta semana os lumes forestais volveron repuntar no país, nomeadamente na provincia de Ourense, no Macizo Central e en dirección ao Teixadal de Casaio! O presidente da Xunta anuncia un cambio no modelo de extinción á vista das dificultades coas que se atopa para frear o avance das chamas... Galiza volve estar á cabeza da produción eléctrica renovable no conxunto do Estado durante o primeiro cuadrimestre, segundo datos de REE, no que exportou máis do 32% da enerxía producida. Mentres seguen saíndo a exposición pública numerosos proxectos eólicos, e autorízase o PE Farrapa II en Pastoriza e Abadín. Tamén xorden novos proxectos de centrais de bombeo, desta volta en Mazaricos, no río Xallas, promovido pola empresa Xeal. A veciñanza crítica co proxecto vén de constituír a plataforma Salvemos A Ruña, monte onde pretende colocarse a balsa de bombeo. Radio Cerna regrasará ás ondas e á túa emisora local no mes de setembro. Feliz verán!
05/08/2022 [00:10:00] [6.88 MB]
Boletín informativo ambiental 05/08/22
Tras un breve descanso estival, voltamos a darche conta da actualidade ambiental galega. Galiza vive unha nova vaga incendiaria que está a afectar especialmente á provincia de Ourense. Arestora o lume de maior envergadura en superficie está a ser o de Verín, pero tamén está a asolar a Maceda, Arbo, Pereiro ou Calvos de Randín... No Courel reactívanse os lumes! Neste espazo tamén falaremos da seca, de Altri e de novos proxectos eólicos proxectados nas montañas orientais de Lugo...
15/07/2022 [00:10:00] [6.89 MB]
Boletín informativo ambiental 15/07/22
Os efectos do cambio climático cada vez están máis presentes e a actual vaga de calor é unha evidencia. Recoméndase extremar as precaucións para evitar consecuencias na saúde, e tamén consumir responsablemente auga. Varios concellos galegos xa tiveron que restrinxir o seu consumo de forma radical. Doutro lado, a complexa situación enerxética mundial fai que a UE pase a considera como verdes á enerxía nuclear e o gas, un cambio de posición sen precedentes que anuncia malos augurios para a transición enerxética e ecolóxica. Estamos a vivir grandes retrocesos na construción dun mundo máis sostible... Abordamos máis cuestións de relevancia ecolóxica e social en Galiza aquí, en Radio Cerna. En agosto volveremos con espazos informativo renovados! Grazas por nos escoitar!
08/07/2022 [00:10:00] [6.88 MB]
Boletín informativo ambiental 08/07/22
Segue a afronta contra a invasións eólica... O Fondo para a defensa xurídica da Cordilleira Cantábrica recorre contra tres parques eólicos do Bierzo que ameazan a escasa poboación de pita do monte que existe na península, a veciñanza de Ordes, Betanzos, Aranga, A Baña, etc., volve enfrontarse a novos procesos de alegacións aos proxectos industriais eólicos abusivos co rural e co medio natural. Por outra banda, volve a contaminación aos ríos de Ourense e a seca comeza a preocupar aos organismos de bacía de Galiza... Escóitao en Radio Cerna!
01/07/2022 [00:10:00] [6.87 MB]
Boletín informativo ambiental 01/07/22
A papeleira Ence quere instalar unha nova factoría en Galiza, no lugar que agora ocupa a central térmica das Pontes, para fabricar papel tisú, mais di que sería unha factoría complementaria á de Lourizán. Tamén nas Pontes, o presidente Rueda anuncia unha planta de hidróxeno que presenta como a primeira en Galiza destas características. E nesta mesma semana, aprobou dous parques eólicos pola vía da excepcionalidade, fóra das áreas establecidas polo Plan Eólico, que son de titularidade de Greenalia, empresa da que forma parte a exconselleira de Medio Ambiente, Beatriz Mato. Se queres máis información, preme e escoita Radio Cerna!
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal