Buscador
01/02/2017 [00:10:00] [5.74 MB]
A rocambolesca batida de lobos en Friol
A pasada fin de semana, o concello lugués de Friol viviu unha das batidas de lobo máis rocambolescas que se teñan dado en Galiza. Saldouse cun can morto, confundido cun lobo, e ameaza con ter unha segunda parte. Neste espazo de Radio Cerna, analizamos o acontecido coa entidade ecoloxista ADEGA e achegamos a valoración dos feitos do alcalde de Friol, Xosé Ánxel Santos Sánchez. O acontecido promoveu a campaña ecoloxista contra novas batidas de lobos en Friol a través de Avaaz.org. Preme aquí para acceder a ela.
Programas relacionados: O lobo, autor ou vítima do conflicto?
30/01/2017 [00:10:00] [5.73 MB]
En Vigo tamén se pode andar en bicicleta
O arquitecto vigués Alexandre Mouriño desenvolve unha proposta de rede ciclista para a cidade de Vigo, deseñando unha traza de máis de 50 quilómetros de vías ciclistas que evita pasar polas pendentes máis pronunciadas. Mouriño tamén crea unha ferramenta informática que permite medir a aptitude ciclista de calquera vía urbana en función de varios criterios, non só topográficos.
27/01/2017 [00:10:00] [5.74 MB]
Boletín informativo ambiental 27/01/17
As novas ecoloxistas e ambientais de Galiza desta semana están recollidas neste espazo de Radio Cerna. Non as perdas!
25/01/2017 [00:10:00] [5.73 MB]
As Directrices da Paisaxe Galega: protección territorial ou un timo propagandístico?
Aparecen as primeiras reaccións ao documento borrador das Directrices da Paisaxe de Galiza, agora en exposición pública, ata o mes de marzo. Colectivos como O Petón do Lobo, Cova Crea, Arco Iris ou Amigos/as dos Bosques xa as cualificaron de paripé, timo ou instrumento desproteccionista, etc. Critican que non se poña límites ás minas a ceo aberto, aos parques eólicos, ás liñas eléctricas ou á eucaliptización nas novas áreas de especial protección paisaxística.
23/01/2017 [00:10:00] [5.76 MB]
Premios Osíxeno e Dioxina 2016
ADEGA vén de outorgar os premios Osíxeno e Dioxina 2016 que recoñecen as mellores e peores actuacións ou actitudes ambientais durante ese ano. Tamén concede un premio Osíxeno de Honra ao expresidente de ADEGA e experto en contaminación atmosférica en Galiza, Ramón Varela Díaz.
20/01/2017 [00:10:00] [5.74 MB]
Boletín informativo ambiental 20/01/17
Se queres coñecer a actualidade ambiental galega, este é o teu espazo de radio! Hoxe, facemos repaso das novas ambientais máis destacadas da última semana.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal