Buscador
23/10/2017 [00:10:00] [9.18 MB]
Unha lei diferente para un monte diferente
Unha rede de 60 entidades galegas conformadas baixo o nome "Cousa de Raíces" vén de presentar no Parlamento galego unha proposición de lei por iniciativa lexislativa popular que pretende regular cara un modelo máis sostible o monte galego. Os seus obxectivos princiais son potenciar o bosque autóctono, frear o eucalipto, mellorar a xestión do monte e loitar contra os lumes forestais. O texto normativo será agora avaliado polo Parlamento para admitir ou non a súa tramitación.
Máis información en: http://cousaderaices.wordpress.com ou http://adega.gal
20/10/2017 [00:10:00] [5.74 MB]
Boletín informativo ambiental 20/10/17. Monográfico sobre lumes.
Desta volta, o boletín informativ de Radio Cerna será un monográfico sobre os lumes vividos en Galiza recentemente. Repasaremos algúns dos aspectos máis relevantes do acontecido nesta semana. Acompáñanos!
18/10/2017 [00:10:00] [5.74 MB]
A catástrofe incendiaria, alén do feito criminal
Recollemos nest espazo o testemuños dos bombeiros profesionais, ecoloxistas e afectados pola última vaga de incendios que sitúan a solución á problemática dos lumes máis alá da persecución dos criminais. Urxen un cambio no modelo forestal e na xestión actual dos montes galegos.
16/10/2017 [00:10:00] [9.20 MB]
Apoio á radio comunitaria da Coruña. Cuac FM Resiste!
Radio Cerna dedica este programa especial a CUAC FM, a radio comunitaria da Coruña, coa que colabora, e que se viu obrigada a pechar a súa emisión por frecuencia modulada o pasado mes de setembro ante a ameaza dunha sanción de ata 200.000 euros. A Xunta abriulle un expediente sancionador por emitir sen licenza poñendo en risco a continuidade do proxecto pese a ter solicitado licenza en varias ocasións e levar 21 anos emitindo de forma ininterrompida. CUAC FM teme que se trate dun intento das autoridades públicas de eliminar as radios comunitarias do país. Desde Radio CERNA e ADEGA manifestamos o noso apoio a todas as radios comunitarias de Galiza e do mundo e ao seu dereito a existir e a obter licenza.
CUAC FM pódese seguir escoitando no web http://cuacfm.org, onde se difunde tamén o espazo de Radio Cerna todos os luns, mércores e venres ás 7 e ás 14 horas.
13/10/2017 [00:10:00] [5.74 MB]
Boletín informativo ambiental 13/10/17
Escoita este espazo para coñecer a actualidade ambiental galega en 10 minutos.
11/10/2017 [00:10:00] [9.20 MB]
A arquitectura galega fronte o cambio climático
A arquitectura ten un importante papel no deseño dun hábitat e contornos amables coa natureza e sostibles para un futuro, mais agora tamén debe propoñer medidas e accións que mitiguen a mudanza climática. O Colexio de arquitectos de Galicia, consciente desta responsabilidade, promoveu diversas charlas e visitas no día mundial da Arquitectura que exemplificasen esa loita do sector contra o cambio climático. En Lugo mostrou como exemplo o único edificio industrial da provincia autosuficiente enerxeticamente.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal