Buscador
04/04/2018 [00:10:00] [6.88 MB]
Xoán R. Doldán: O petróleo é a causa fundamental da actual crise da Humanidade
O 85% da enerxía que consumo o conxunto da Humanidade procede de fontes fósiles, especialmente do petróleo. Pero xa sobardamos o teito de extracción do petróleo, o cénit do gas natural está próximo e o carbón haberá que desbotalo para enfrontarnos á mudanza climática. Estamos en crise, segundo o profesor de Economía Aplicada da USC e exdirector do INeGA, Xoán R. Doldán, e o futuro pasa pola transición cara a outro modelo económico e enerxético. Neste espazo resumimos a palestra do experto nas xornadas sobre Enerxía e Clima celebradas hai uns días na Deputación de Lugo.
02/04/2018 [] [6.88 MB]
Ramón Varela: A central térmica das Pontes emite a metade do CO2 de Galiza
Galiza é unha potencia enerxética, sen embargo a maior produción eléctrica galega procede dunha das industrias menos eficientes e máis contaminantes de Europa: a central térmica das Pontes. O experto en contaminación atmosférica e expresidente de ADEGA, Ramón Varela Díaz, participou nas xornadas sobre Enerxía e Clima da Deputación de Lugo, onde deu conta da importante contribución da industria galega á mudanza climática.
26/03/2018 [00:10:00] [6.88 MB]
Impactos do Cambio Climático nos ecosistemas galegos
O experto do panel científico galego sobre Cambio Climático, Pablo Ramil Rego, participou nas Xornadas de Enerxía e Clima organizadas pola Deputación de Lugo, coa colaboración de ADEGA, para explicar os impactos e as previsións da mudanza climática en Galiza, onde xa se teñen constatado ata 12 tipos de afeccións: na temperatura, nas precipitacións, nos ecosistemas e nalgunhas especies de flora e fauna, entre outras. Afondamos no tema con Pablo Ramil.
23/03/2018 [00:10:00] [6.88 MB]
Boletín informativo ambiental 23/03/2018
No seguinte espazo escoitarás as novidades ambientais en Galiza desta semana do Bosque.
21/03/2018 [00:10:00] [6.88 MB]
Mario Salomone: Debemos reaprender a vivir para poder afrontar o futuro
Mario Salomone, Secretario Xeral do Congreso Mundial da Educación Ambiental, visitou a pasada semana A Coruña para falar da Educación para a Sostibilidade. O italiano disertou sobre a necesidade de educarnos para o cambio da Humanidade cara un futuro máis xusto e máis inclusivo para todas e todos. Hoxe trasladamos a entrevista que lle fixo Radio Cerna a este referente europeo da Educación Ambiental. Agradecemos a colaboración de Carlos Dias, na tradución, e de Germam Ermida, na locución.
19/03/2018 [00:10:00] [6.89 MB]
AGA: Formación apícola para os novos tempos
A Asociación Galega de Apicultura (AGA) fai unha ampla proposta formativa para esta Primavera. Ademais dos cursos básicos e especializados, inaugura un novo proxecto: a Escola Galega de Apicultura, situada en Allariz. A través desta Escola, os abelleiros/as impartirán contidos relacionados coa nova apicultura e adaptados aos cambios que está a sufrir este arte por mor do Cambio Climático.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal