Buscador
27/06/2018 [00:10:00] [6.88 MB]
Polo peche definitivo do vertedoiro compostelán da Grixoa
O vertedoiro e planta de tecnosolos de Grixoa súmase á lista de ameazas ambientais da comarca de Santiago de Compostela que están a provocar un forte rexeitamento social. O que ía ser un plan de recuperación dunha antiga canteira acabou derivando nun vertedoiro de cascallos e residuos de todo tipo que servirían para a elaboración de tecnosolos ou solos artificiais. Sen embargo, os veciños e veciñas da parroquia levan anos denunciando irregularidades no tratamento dos residuos e incumprimentos do proxecto que provocarían a contaminación de mananciais e ríos da comarca. A Xunta, logo de confirmar que a empresa non cumpre cos parámetros ambientais, pechou preventivamente a parte do vertedoiro dedicada á fabricación de tecnosolos. A veciñanza reclama o peche definitivo do vertedoiro e a análise dos solos afectados.
25/06/2018 [00:10:00] [6.87 MB]
A ILP do bosque galego consegue un respaldo social masivo
A Iniciativa lexislativa popular promovida por máis de 60 colectivos integrados nas plataformas Cousa de Raíces e Alianza por un medio rural galego vivo consegue o apoio de máis de 42.000 galegas e galegos para ser presentada no Parlamento de Galiza. No presente espazo de Radio Cerna coñecemos a valoración que fan os principais promotores da campaña a favor desta ILP na defensa do bosque galego e contra os incendios forestais que, previsiblemente, será debatida no Parlamento despois do verán.
22/06/2018 [00:10:00] [6.88 MB]
Boletín informativo ambiental 22/06/18
Inauguramos estación cun novo boletín informativo sobre a actualidade ambiental galega. Valo perder?
20/06/2018 [00:10:00] [6.88 MB]
A UDC calcula a túa pegada ecolóxica por residuos
A Oficina de Medio Ambiente da Universidade da Coruña crea a primeira calculadora da pegada ecolóxica por residuos para galegas e galegos. A través desta ferramenta dixital que atoparás en http://emapic.es descubrirás se estás por baixo ou por riba da media galega en xeración de residuos, separación de lixo en orixe ou emisións de CO2 derivadas da túa xestión dos residuso sólidos urbanos.
18/06/2018 [00:10:00] [6.88 MB]
Polo dereito ao refuxio ou asilo por cambio climático
En pasados días a cidade da Coruña acolleu un campo de refuxiados simbólico para escenificar o drama que viven milleiros de persoas no mundo que están refuxiadas lonxe do seu lugar de orixe. Algo que no futuro se prevé moi frecuente, xa non só polas guerras, tamén por motivos climáticos ou ambientais. O problema é que non está recoñecido legalmente o dereito ao refuxio por cambio climático. A organización Acampa está a valorar a presentación dunha Iniciativa lexislativa popular co obxectivo de que se recoñeza.
15/06/2018 [00:10:00] [6.90 MB]
Boletín informativo ambiental 15/06/18
Os últimos días estiveron marcados por mobilizacións sociais de reivindicacións ambientais que terán continuidade no día de mañá, coa marcha contra as celulosas de Ence. Neste acto tamén se dará peche á campaña a prol da ILP na defensa do bosque galego. Esta e máis novas, se premes para escoitar este espazo de radio.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal