Buscador
10/10/2018 [00:10:00] [6.88 MB]
Piden a demolición do encoro de Ponte Inferno no río Verdugo
A Rente de Chan- Pladever, xunto con ADEGA e AEMS Ríos con Vida, veñen de pedir a extinción da concesión de auga para o aproveitamento hidroeléctrico Ponte Inferno do río Verdugo e a posterior demolición da presa. A central leva 115 anos explotando sen interrupción o río Verdugo, malia as deficiencias legais e tecnolóxicas que padece e que, segundo Pladever, nunca foron solventadas. De derrubarse, esta sería a primeira presa hidroeléctrica eliminada do río Verdugo, un efluente que agora tamén se ve ameazado pola proposta do seu transvasamento cara o Encoro de Eiras.
08/10/2018 [00:10:00] [6.87 MB]
NON ao novo Plan Forestal (e forestalista) de Galiza
Máis de 70 entidades, colectivos e organizacións de carácter ecoloxista, sindical, sectorial, empresarial, etc., piden a anulación da primeira revisión do Plan Forestal de Galiza de 1992, pola forma e polos contidos. Por falta de consenso social, de rigor e de datos actualizados sobre a superficie forestal galega; pero sobre todo polos contidos, que segundo estas entidades, están feitos á medida das necesidades e ambicións da industria forestalista e enerxética.
05/10/2018 [00:10:00] [6.87 MB]
Boletín informativo ambiental 05/10/18
Neste espazo de radio coñecerás as novidades ambientais máis destacadas dos últimos días en Galiza.
03/10/2018 [00:10:00] [6.88 MB]
Bosques con Vida: rexeneración ambiental dos montes de Rebordelo
ADEGA e a Comunidade Veciñal de Montes en Man Común de Rebordelo (Cerdedo-Cotobade) encetan esta fin de semana o proxecto de rexeneración ambiental "Bosques con Vida". O seu obxectivo é recuperar a área natural afectada polos lumes forestais do pasado ano coa axuda de voluntariado. Entre as actividades, proponse a plantación de especies autóctonas, a recuperación de charcas de valor ecolóxico e roteiros interpretativos. A colaboración entre ambas entidades traballa por un monte biodiverso e multifuncional a través deste proxecto que pretende ter un percorrido máis amplo.
01/10/2018 [00:10:00] [6.90 MB]
Agrocompostaxe: vantaxes para o sector agrícola e para os municipios
As vantaxes da compostaxe xa están a ser recoñecidas polos municipios galegos e, algúns, como o de Allariz xa se está a interesar por novas vías de aplicación da compostaxe no rural: a agrocompostaxe. A pasada semana Allariz acolleu unha charla de Eduardo Cordero, impulsor dun proxecto de agrocompostaxe na localidade euskera de Larrabetzu. Hoxe fala para Radio Cerna.
28/09/2018 [00:10:00] [6.87 MB]
Boletín informativo ambiental 28/09/18
Repasamos a actualidade do ecoloxismo e o medio ambiente de Galiza. Atrévete a coñecela!
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal