Buscador
12/11/2018 [00:10:00] [6.88 MB]
ILP pola recuperación das concesións hidroeléctricas para o ben público
A Confederación Intersindical Galega (CIG) vén de impulsar unha nova Iniciativa Lexislativa Popular (ILP) para promover a reversión á xestión de púbica de concesións hidráulicas para o aproveitamento enerxético que teñen máis de 75 anos ou que están a piques de cumprilos. Esta ILP sucede a outra presentada hai 3 anos por unha tarifa eléctrica galega que, finalmente, foi rexeitada polo Partido Popular. O obxectivo de ambas as dúas propostas é que a sociedade galega recupere para a xestión pública concesións enerxéticas privadas que non están a compensar os danos ambientais e sociais que exercen no país. E, coincidindo co ERE de Alcoa, propón a creación dunha tarifa eléctrica especial para a industria electrointensiva.
09/11/2018 [00:10:00] [6.88 MB]
Boletín informativo ambiental 09/11/18
Coñece a actualidade medioambiental de Galiza en 10 minutos! As novidades da semana nun click!
07/11/2018 [00:10:00] [6.90 MB]
Unha tiroliña no Canon do Sil ameaza aves protexidas
A Sociedade Galega de Ornitoloxía pide ás deputacións provinciais de Lugo e de Ourense que abandonen o proxecto para a colocación dunha tiroliña no espazo natural protexido dos Canóns do Sil. A tiroliña uniría as dúas marxes do río, entre os miradores do Duque e de Matacás, coa pretensión de converter na segunda de maior lonxitude en Europa. De executarse, advirte a SGO, estaríase a crear un importante impacto sobre os valores naturais da zona e na avifauna protexida.
05/11/2018 [00:10:00] [6.92 MB]
Unión Fenosa: vida e morte da compañía enerxética que algún día foi galega
A tese do investigador da USC, Adrián Dios Vicente, analiza a evolución dunha das empresas do sector eléctrico español máis importante: Unión Fenosa. Fai o repaso aos 26 anos de vida da compañía fortemente unida a Galiza nun principio e da que logo se desprendería por completo. As diferentes estratexias de crecemento, de internacionalización e diversificación, a intervención dos bancos e do goberno estatal marcaron o destino dunha empresa que conseguiu acadar cotas de éxito importantes dentro e fóra de España, pero que finalmente finou en 2008 absorvida por Gas Natural. A súa aposta final polo carbón foi o seu golpe de gracia.
31/10/2018 [00:10:00] [6.89 MB]
Nosa Enerxía lanzará en 2019 o primeiro servizo de mobilidade colectiva con coche eléctrico
A cooperativa e comercializadora de enerxías renovables, Nosa Enerxía, anuncia que será a primeira en lanzar un servizo de mobilidade colectiva a través de coche eléctrico. Tras tres anos de existencia, a cooperativa xa conta con preto de 600 socios e socias, que apostan polo coche eléctrico como vehículo de futuro. Por iso, vén de adquirir en Alemaña un coche eléctrico que desde 2019 poderán utilizar os seus socios/as para desprazamentos de ata 1000 quilómetros. Coñecemos os detalles do servizo con Pablo Álvarez, presidente de Nosa Enerxía.
29/10/2018 [00:10:00] [6.88 MB]
Oito plataformas únense para defender a contorna de Compostela
Nace un novo movemento ecoloxista na área de Compostela. Trátase da Rede de Plataformas Compostela-Ulla-Tambre, composta por oito plataformas que actúan nesa área xeográfica fronte a diferentes proxectos ou plans agresivos co medio, a saúde e a calidade de vida das persoas. Entre eles destacan os vertedoiros de Lesta e Casalonga, a destilaría de Rois, os eólicos de Ordes, as minas de Touro e de Erimsa. Tamén se unen os colectivos na defensa do río Sar e a asociación A Picota-Trazo. A rede intentará facer presión diante das administracións públicas para defender unha ordenación do territorio amable coa sociedade e maiores garantías ambientais.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal