Buscador
11/11/2013 [00:10:00] [5.74 MB]
SOS Monte Pindo, xa en acción!
Nace o movemento de voluntariado SOS Monte Pindo para recuperar e rexenerar este espazo natural protexido. Está promovido pola asociación Monte Pindo Parque Natural en resposta á falta de medios e recursos dispostos polo goberno galego para atallar os prexuízos inmediatos do lume (riadas, escorrentías, etc.) e a erosión do solo e perda de biodiversidade.
08/11/2013 [00:10:00] [5.74 MB]
Boletín informativo ambiental 08/11/13
Coñece as novas ambientais desta semana no territorio galego. Escóitanos!
07/11/2013 [00:10:00] [5.74 MB]
II Feira de Outono na Eira da Xoana
Este domingo, 10 de novembro, a Eira da Xoana está de festa! Celebra a II Feira de Outono, de produtos naturais e artesanais, onde uns 50 produtores exporán as súas creacións. Na Feira haberá música (Bico da Balouta), maxia (Mago Antón), literatura (Proxecto Identidades), charlas (Hifas da Terra) e exposicións. Os detalles coñecémolos neste programa con Pepe Salvadores.
06/11/2013 [00:10:00] [5.74 MB]
“Queimar o monte”, o documental sobre as causas
Segundo a sinopse dos propios autores, este documental analiza o porqué dos incendios forestais en Galiza, tanto as causas estruturais como as principais motivacións dos incendiarios que os provocan. Está producido por Walkie Talkie Films e foi realizado por Emilio Fonseca e Uxía Buciños durante o ano 2012. Agora comézase a proxectar nalgunhas salas a través de varias entidades. Unha destas citas será o vindeiro 20 de novembro no Museo provincial de Lugo, da man de ADEGA. Nesteespazo falamos co director de "Queimar o Monte".
05/11/2013 [00:10:00] [5.74 MB]
Contaminación das rías galegas por cobre
Os resultados dunha investigación do CSIC dan conta do elevado nivel de contaminación por cobre que sufren algunhas rías galegas. As zonas máis afectadas son sobre todo os portos de mar con tráfico marítimo masivo, e as rías máis contaminadas son as de Ferrol e Vigo. Segundo nos explica o director deste estudo, a causa principal da contaminación por cobre débese á pintura dos barcos. Coñece os detalles da investigación a través deste espazo radiofónico.
04/11/2013 [00:10:00] [5.74 MB]
Recortes no medio ambiente. Orzamentos 2014
O goberno galego reduciu a partida orzamentaria para políticas medioambientais en preto dun 75% desde o ano 2009. Para o vindeiro ano, Conservación da Natureza recibe un tesoirazo considerable e outras áreas quedan sinxelamente sen orzamento. ADEGA analiza os orzamentos da Xunta do vindeiro ano en materia ambiental.
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal