Buscador
05/10/2015 [00:10:00] [5.74 MB]
Camiño do Sol: mobilización dos estafados no investimento en enerxía fotovoltaica
"Camiño do Sol" é como se chamou á marcha de persoas investidoras en enerxía fotovoltaica que chegou hai poucos días a Santiago para reivindicar un novo modelo enerxético que prime ás enerxías renovables e que non endebede aos seus investidores. Os protagonistas desta mobilización séntense estafados polo Estado que, nun principio animou á sociedade a investir en enerxía fotovoltaica, pero que nos últimos anos aprobou reformas lexislativas que están a converter en insostibles estes proxectos. En Galiza hai 2.500 familias afectadas.
02/10/2015 [00:10:00] [5.74 MB]
Boletín informativo ambiental 02/10/15
Neste boletín informativo recollemos as principais novas acontecidas nesta semana no eido ambiental galego. Non o perdas!
30/09/2015 [00:10:00] [5.74 MB]
Spallanzani e morcegos en Galiza
O biólogo galego Roberto Hermiga publica un libro de curiosidades sobre morcegos que amosa o lado máis divertido e enigmático destes animais nocturnos, ademais de achegarnos á figura do científico Lazzaro Spallanzani. Neste espazo de Cerna falamos desta publicación e tamén abordamos a siutación dos morcegos en Galiza.
28/09/2015 [00:10:00] [5.74 MB]
Galiza e a contaminación lumínica
A ONU declarou 2015 como o Ano da Luz e das tecnoloxías relacionadas coa luz. Por iso a USC vén de realizar un curso sobre contaminación lumínica para formar a expertos na materia que deseñen baixo a óptica da sostibilidade os alumeados públicos. Salvador Bará, coordinador deste curso e profesor de física aplicada na Universidade compostelá, fala hoxe para Radio Cerna sobre a contaminación lumínica en Galiza.
25/09/2015 [00:10:00] [5.73 MB]
Boletín informativo ambiental 25/09/15
Escoita o repaso da actualidade ambiental en Galiza da última semana, aquí en Radio CERNA!
23/09/2015 [00:10:00] [5.73 MB]
VIII limpeza simultánea de ríos galegos
Este domingo, 27 de setembro, ADEGA e Proxecto Ríos de voluntariado de custodia fluvial, convídanos a unha nova edición da Limpeza simultánea de ríos galegos na que está previsto que participen máis de 40 colectivos e entidades voluntarias para a recollida de residuos que foran depositados nas marxes ou leitos dos nosos efluentes. Para coñecer máis sobre esta actividade, escoita este espazo...
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal