Buscador
02/03/2016 [00:10:00] [5.74 MB]
O Norte de Italia, referente europeo na compostaxe
O Norte de Italia é unha das áreas da UE que na última década máis impulso colleu para a reconversión do seu antigo sistema de xestión de residuos cara a compostaxe. Actualmente acolle mais de 200 plantas de compostaxe. Quixemos coñecer como se produciu esta evolución da man de Riccardo Morganti, especialista na recollida selectiva da materia orgánica e traballador da consultora ambiental italiana Ladurner, quen tamén impartiu unha palestra no curso de mestres composteiros da Deputación de Pontevedra.
29/02/2016 [00:10:00] [5.74 MB]
Plan Compost Revitaliza: o programa provincial de compostaxe de Pontevedra
A Deputación provincial de Pontevedra instalará en marzo e abril os primeiros composteiros domiciliarios e as primeiras áreas de compostaxe comunitaria na provincia. Tamén está a desenvolver o curso de Mestres composteiros, que serán os técnicos titulados encargados de manexar estas áreas de compostaxe. Nos vindeiros anos, a idea é crear entre 6 e 10 plantas comarcais de compostaxe que atendan todas as necesidades de xestión do lixo orgánico provincial. Estas accións están enmarcadas dentro do "Plan Compost Revistaliza" co que a Deputación pretende acadar a recuperación do 70% da materia orgánica producida na provincia para a súa utilización como compost ou abono orgánico.
26/02/2016 [00:10:00] [5.73 MB]
Boletín informativo ambiental 26/02/16
Repasa con nós a actualidade ambiental da última semana no noso país.
24/02/2016 [00:10:00] [5.73 MB]
A batalla polo mar entre a pesca tradicional e a acuicultura industrial
A oposición do sector do Mar á nova lei de acuicultura vai máis alá do descontento por un desafortunado texto lexislativo, que agora semella que vén de ser retirado, aínda que aínda non existe resolución oficial e por escrito.
Os mariñeiros, armadores, bateeiros, mariscadores e mariscadoras temen que esta lei sexa a súa sentenza de morte, a súa condena a unha desaparición silenciosa. Trátase dunha auténtica batalla polo territorio mariño, polos produtos do mar, polos espazos naturais e polo mercado entre a pesca tradicional e a acuicultura intensiva e industrial. Luis Rodíguez, presidente dos armadores de artes menores en Galiza, e Alberto Muñoz, letrados das confrarías das Rías Baixas, explican neste espazo polo miúdo a que se está a enfrontar realmente o sector.
22/02/2016 [00:10:00] [5.74 MB]
A nova lei de acuicultura: a oposición medioambiental
Os argumentos de oposición á nova lei de acuicultura promovida polo goberno da Xunta son extensos e variados, comezando polos ambientais. Na marcha reivindicativa do vindeiro sábado en Santiago de Compostela participarán tamén movementos ecoloxistas como ADEGA ou a Plataforma pola Defensa da Ría de Arousa que explican neste programa Cerna cales son as razóns ambientais da oposición a esta nova normativa, repudiada tamén pola practica totalidade do sector do mar galego.
19/02/2016 [00:10:00] [5.74 MB]
Boletín informativo ambiental 19/02/16
Preme para escoitar cales foron as novas ambientais máis destacadas dos últimos días en Galiza!
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal