Buscador
06/04/2016 [00:10:00] [5.75 MB]
O proxecto RE de Allariz: a compostaxe a todos os niveis
O concello de Allariz pon a andar a partires desta semana o "Proxecto RE" de compostaxe. Este proxecto prevé a creación de 22 áreas ou illas de compostaxe para o núcleo urbano do municipio, o reparto de composteiros individuais para a zona rural e o tratamento específico da materia orgánica producida pola hostalaría do concello no polígono industrial. O reto que persegue así o concello de Allariz é poder recuperar en 3 anos o 80% do lixo que produce.
04/04/2016 [00:10:00] [5.74 MB]
Definindo as paisaxes galegas
O Instituto de Estudos da Paisaxe Galega, dependente da Xunta, está a definir as distintas paisaxes de Galiza a través dun proceso de participación no que pretende implicar a maior parte da poboación galega. O Catálogo galego das paisaxe, que contempla 258 tipos diferentes de paisaxe, exponse así a debate. A intención é definir que cualidades paisaxísticas que se queren protexer para o futuro.
01/04/2016 [00:10:00] [5.74 MB]
Boletín informativo ambiental 01/04/16
Coñece a actualidade ambiental desta semana en Galiza, aquí en Radio Cerna. Escóitanos!
30/03/2016 [00:10:00] [5.74 MB]
Ameazada a principal colonia de corvo mariño cristado da Península
Esta fin de semana está prevista a celebración dunha proba de trail na Costa do Dexo (Oleiros) na que correrán 350 persoas e que podería poñer en risco a principal colonia de corvo mariño cristado da Península, ao pasar a carón do seu núcleo de cría. Varias organizacións ambientalistas pedíronlle a Xunta que revise o trazado da proba e avalíe as súas repercursións ambientais antes de aprobala.
28/03/2016 [00:10:00] [5.74 MB]
Mapa online da contaminación química do litoral galego
O visor cartográfico do litoral galego, elaborado polo grupo de investigación Ecotox da Universidade de Vigo, permite consultar datos sobre a contaminación química das nosas costas desde 1997. Ricardo Beiras, catedrático en bioloxía e coordinador de Ecotox, explícanos que servizos ofrece esta ferramenta online, a primeira que concentra toda a información existente na materia e á que calquera pode acceder.
18/03/2016 [00:10:00] [5.75 MB]
Boletín informativo ambiental 18/03/16
Neste espazo trasladamos as novas máis destacadas da última semana na actualidade ambiental galega. Non o perdas!
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal