|
A Coruña, 14 de abril de 2011. ADEGA vén de denunciar a tala de especies autótonas (carballos e castiñeiros) na fraga de Cecebre (Cambre), tala que contou co beneplácito da Xunta. Ao permitila, a administración está a facerlle un fraco favor ao noso bosque autóctono, precisamente no Ano Internacional das Florestas. Os feitos parécennos especialmente graves, ao ser este espazo unha das fragas máis coñecidas do País: “A Fraga de Cecebre”, ou “O Bosque Animado”, que serviu de inspiración ao literato Wenceslao Fernández Flórez para o libro do mesmo titulo. Neste 14 de abril, actuacións coma esta, e declaracións coma as do conselleiro responsábel dos bosques, o Sr. Juárez, de que as queimas controladas son "convintes para os ecosistemas" poñen a xestión das nosas florestas ao nivel dunha república bananera.
|
Ler máis...
|
|
A Coruña, 20 de marzo do 2011. Ante o inminente levantamento de actas de expropiación aos veciños afectados pola obra faraónica da ampliación de Alvedro, a Asociación de Veciños Afectados pola Ampliación do Aeroporto de Alvedro decidiu convocar unha concnetración o día 22 de marzo as 15:30 diante do concello, coincidindo coa chegada dos técnicos de Alvedro.
ADEGA decide apoiar esta concentración porque segue a considerar esta obra destrutiva, innecesaria e froito da especulación máis dura, e que se se chegase a realizar esta obra tería un gran impacto medio-ambiental na comarca da Coruña. Por eso pedimos a inmediata paralización do proceso e a clasidiacación de Alvedro como aeroporto urbano, e a inversión do presuposto da ampliación en crear trens de cercanías na comarca da Coruña que servan para atallar os verdadeiros problemas de mobilidade. Así mesmo ADEGA quere expresar a súa solidaridade cos veciños afectados tanto directa como indirectamente.
|
Ler máis...
|
14 de marzo de 2011. ADEGA vén de constatar a presenza da ameixa asiática ( Corbicula fluminea) no río Mero, nun treito pertencente ao concello de Cambre. Trátase da poboación máis nor-occidental da Península Ibérica desta invasora. A ameixa asiática é un bivalvo de auga doce orixinario de Asia que penetrou en Galiza en 1989. Até o de agora a súa distribución limitábase á bacía do Miño mais o recente descubrimento na do Mero, sen conexión coa anterior, representa un preocupante avanzo desta invasora. ADEGA demanda da Xunta a posta en marcha de planos de prevención e erradicación das especies invasoras, especialmente as fluviais, que poñen en perigo a nosa biodiversidade autóctona e que, como a ameixa asiática ou o mexilón cebra, poden orixinar ademais importantes perdas económicas.
|
Ler máis...
|
A Coruña, 20 de febreiro de 2011. O pasado día 19 de febreiro ADEGA participou no Espazo Solidario que se celebrou por segundo ano consecutivo na Coruña. Nesta ocasión reuníronse varias asociacións vinculadas co voluntariado en distintos ámbitos sociais que ofreceron información á xente que se achegou ao longo de todo o día. Dende o noso posto tivemos a oportunidade de presentarlle aos coruñeses ADEGA e as súas actividades na comarca, así como os seus proxectos a nivel nacional. |
A Coruña, 2 de febreiro de 2011. A Estación Depuradora de Augas Residuais de Barrañán ten o seu punto de vertido unha zoa de escaso caudal no río Sisalde, sendo este problema máis acusado no verán, cando case chega a secarse de todo provocando que os vertidos da EDAR desprendan un forte olor e deixando todo de cor negro. Esto foi así o ano pasado apesares de que ainda non estaban conectados á depuradora a maioría de núcleos aos que prestará servizo. ADEGA quere resaltar a importancia de que esta depuradora cumpra coa lexislación vixente xa que se atopa na zona húmida de Sisalde, no Concello de Arteixo, que é unha área de gran importancia ecolóxica pola gran variedade de seres vivos que alberga ao longo do ano, destacando as especies de aves acuáticas ligadas aos humidais; ademáis xa no ano 2004 pediuse que fora clasificado como Refuxio de fauna.
|
Ler máis...
|
A Coruña, 21 de decembro de 2010. A PLATAFORMA DEFENSA MANDEO, que inclúe persoas de diversos colectivos como ADEGA, GREENPEACE, ASOCIACIONS VECIÑAIS, ASOCIACIONS DE PESCADORES, etc, e, asemade, de diversas localidades, ven de manter unha reunión o mércores pasado co fin de estudar a situación do Vertedoiro de As Pías, en Sobrado e as posíbeis medidas de actuación. As conclusións ás que se chegaron foron de unha gran preocupación polo agravio medioambiental que se está producindo na localidade de Sobrado, coa importante engádega da proximidade do nacemento do río Mandeo á canteira que se está recheando co lixo “sobrante” de Nostián.
|
Ler máis...
|
|
|
|
<< Inicio < Anterior 1 2 3 4 5 6 7 Seguinte > Final >>
|
Páxina 4 de 7 |