ADEGA pon a disposición o ciclo formativo sobre restauración ambiental de zonas queimadas impartido vía online ás persoas inscritas no campo de voluntariado ambiental que tivo lugar na fin de semana do 17, 18 e 19 de novembro. Impulsado pola asociación ecoloxista, en colaboración cos concellos da Rúa, O Barco, Vilamartín, Petín e O Bolo, este campo tivo como obxectivo actuar sobre varios espazos afectados polos incendios forestais da comarca de Valdeorras para previr escorrentías e desenvolver tarefas de control da erosión.
Este proxecto supón unha oportunidade para restaurar ríos e adaptarnos ao cambio climático.
ADEGA bota a andar un proxecto de educación e recuperación do patrimonio ambiental co nome de "Aldeaverde". A iniciativa pretende crear un Centro de educación ambiental e do patrimonio cultural.
Iniciativa de concienciación, educación e participación cidadá en defensa dos nosos ríos. Fundaméntase na realización de inspeccións do estado dos ríos galegos por parte de persoas ou grupos.
Charcas con vida é unha iniciativa que nace coa intención de difundir os valores das charcas e de contribuír ao seu estudo e conservación. Pretende aportar solucións ao problema de desaparición de charcas e da biodiversidade que acollen
O Couto da Eirexiña é un proxecto de custodia do territorio que se establece entre a comunidade de montes en man común da parroquia de Rebordelo, no concello de Cerdedo-Cotobade, e a Asociación para a Defensa Ecolóxica de Galiza (ADEGA). A principal finalidade do proxecto, que conta cunha superficie total custodiada de 172,66 hectáreas, é a conservación e a posta en valor do patrimonio natural e cultural de Rebordelo.
ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal
