13-06-2021

13X: Manifestación Casalonga Limpa de Residuos en Compostela

O vindeiro domingo, 13 de xuño, ADEGA únese á manifestación convocada pola Plataforma Casalonga Limpa de Residuos, para rexeitar unha vez máis o vertedoiro encoberto no que se pretende converter a antiga mina de Casalonga a través dun dereito mineiro que debe declararse caduco por parte da Xunta de Galicia.

A mobilización dividirase en tres actos:
Ás 8.30: saída a pé dende a canteira cara Santiago polo Camiño Portugués.
Ás 12h: Reunión na Alameda, onde instalaremos unha pancarta permanente, e saída da manifestación.
Ás 13h: Acto na praza da Quintana.

Para aqueles que desexen vir a pé polo Camiño Portugués, a pista da canteira permanecerá cortada dende ás 8h ata ás 15h para poder deixar os coches.

Para aqueles que prefiran unirse en Santiago sairán autobuses dende o campo de Cierto ás 11h (gratuítos, previa anotación na gasolinera da Casalonga)

Traede xente!

Descargas

• Cartaz manifestación a pé Casalonga-Compostela
• Cartaz manifestación en bus Casalonga-Compostela