13-09-2026
Baixo o lema "Non á desfeita na represa de Cabanelas", o Colectivo Ecoloxista do Salnés, ADEGA, Limpiarousa, Club Pesca Deportiva Pesca Cies, a Asociación de Veciños San Vicente e o BNG convocamos unha concentración en defensa do río Umia. Terá lugar o domingo, 13 de setembro, ás 12:00 h. na praia fluvial de Cabanelas (Ribadumia). As novas obras bloquean a fauna e estancan a auga.
A saúde do Umia é tamén a nosa saúde. A vida e salubridade do río son un ben común que non debe poñerse en risco por intereses privados. É un abuso empregar o río para regar un campo de golf da Toxa, mentres están a obrigar a toda a cidadanía a restrinxir o uso da auga polas secas.
Mobilízate! Por un río Umia vivo e sen barreiras!
ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal
