15-08-2026

Ruta de marisqueo en Redondela

Ven coñecer o mundo do marisqueo a pé e descubrir, da man das mariscadoras de Cesantes, o seu traballo e os seus saberes, o valor e funcionamento destes espazos e a importancia da súa conservarción. Prazas limitadas.

• Data: Sábado, 15 de agosto.
• Lugar de encontro: aparcamento Lonxa de Cesantes (Redondela) (https://maps.app.goo.gl/RZTu4dCeLkQVk66V6)
• Hora: 10:30-12:30h
• Inscricións: https://i.gal/rutamarisqueo

Recomendamos

• Calzado cómodo e axeitado (preferiblemente botas de auga, evitar chanclas)
• Roupa cómoda e adaptada ás condicións meteorolóxicas.
• Protección solar (gorra ou sombreiro e crema solar).
• Auga para a duración da actividade. 

O proxecto

Esta é a primeira actividade do Proxecto Rías Vivas impulsado pola delegación de ADEGA en Vigo e O Morrazo. O seu obxectivo é a custodia de espazos mariños da ría de Vigo e o litoral próximo, para conservar a biodiversidade e o patrimonio natural, paisaxístico e cultural destas áreas.

No marco deste proxecto, ADEGA promoverá usos sustentables, fará seguimento do estado dos ecosistemas e poñerá en valor estes recursos e as actividades que deles dependen.

O Proxecto Rías Vivas conta co apoio da Consellería do Mar da Xunta de Galicia e do GALP Ría de Vigo–A Guarda, e está cofinanciado pola Unión Europea a través do Fondo Europeo Marítimo, de Pesca e de Acuicultura (FEMPA).