Do 18-11-2025 ao 30-04-2026

Guía metodolóxica para a restauración de ecosistemas fluviais

Velaquí che presentamos a guía metodolóxica "Resiliencia e xestión fluvial: unha guía metodolóxica para o desenvolvemento de accións de restauración de ecosistemas fluviais e a implementación de modelos de gobernanza".

Esta guía é un recurso esencial, deseñada no marco do Proxecto Fluviatilis como ferramenta de referencia para as autoridades locais e as organizacións de xestión do territorio, co obxectivo de garantir que a aprendizaxe e os resultados obtidos por este proxecto teñan un impacto duradeiro e poidan aplicarse a outros territorios.

Que atoparás?

O documento, froito do traballo colaborativo de ADEGA, ANSE, Grup de Natura Freixe, Fundació Limne e Red Cambera, estrutúrase arredor dos dous piares centrais do proxecto:

A guía ofrece orientación e solucións innovadoras para harmonizar o uso público das zonas fluviais coa necesidade urxente da súa conservación. Detállanse os principais problemas aos que se enfrontan os ecosistemas fluviais (como a calidade da auga, a vexetación de ribeira e as especies exóticas invasoras), e preséntanse Solucións Baseadas na Natureza (SbN) e técnicas de bioenxeñaría paisaxística para a súa restauración.

Inclúense descricións detalladas de técnicas de bioenxeñaría como as cortas directas ou as faxinas vivas, así como ferramentas para a caracterización dos ambientes fluviais (hidroloxía, procesos, vexetación).

Un proxecto con visión de futuro

Esta guía non só consolida a experiencia práctica de FLUVIATILIS na restauración de treitos fluviais prioritarios, senón que tamén senta as bases para un futuro no que os ríos e as súas ribeiras sexan xestionados de forma sostible. A publicación é, polo tanto, unha "folla de ruta para o fortalecemento da custodia do territorio no sector fluvial".

Descarga a guía e únete!

Convidamos a todas as administracións, entidades e cidadanía interesada a descargar a guía e unir esforzos en apoio da conservación e restauración dos nosos ecosistemas fluviais.

Ligazóns

• Guía metodolóxica para a restauración de ecosistemas fluviais - Fluviatilis