04-09-2026

Charla Morcegos en Galiza

O vindeiro venres, 4 de setembro, a biológa Zeltia López impartirá unha charla sobre os seres máis misteriosos da noite: os morcegos. Falará sobre as principais especies presentes en Galiza e da importancia da súa investigación, conservación e protección dos
seus hábitats.

Terá lugar no CS A Nubeira de Vigo, de 19:00 a 20:00 horas. Este encontro desenvólvese no marco da iniciativa Petiscos de natureza, un ciclo de charlas organizadas pola delegación de ADEGA Vigo e O Morrazo co obxectivo de dar a coñecer a fauna e flora da nosa contorna.

Cada un dos petiscos propostos axudaranos a entender mellor as especies que habitan ao noso carón: a súa identificación, como viven, as súas ameazas e que podemos facer por conservalas. Todas as charlas terán lugar no CS A Nubeira de 19:00 a 20:00h. Non se require inscrición previa. Entrada libre ata completar aforo! Non o perdas.

Vindeiras palestras

Venres, 4 de setembro
Conservación de morcegos en Galicia
— Zeltia López, bióloga

Venres, 2 de outubro 
As pistas do mar: identificación de cunchas e restos mariños
— Lucía Soliño, doutora en Bioloxía

Venres, 6 de novembro
Aves mariñas fronte ás Rías Baixas, un valor ornitolóxicode relevancia internacional
— Nicolás Magdalena, ornitólogo

Venres, 13 de novembro
Presentación do libro "Estado de conservación de los anfibios y reptiles continentales de Galicia"
— Ismael Espasandín (Grupo Naturalista Habitat) e Cesar Ayres (Asociación Herpetológica Española), coautores do libro.

Descargas