12-11-2025

Xornada de Eliminacion de Invasoras no Río Tambre

ADEGA organiza unha xornada de voluntariado no río Tambre, ao seu paso polo concello de Ames, no marco do proxecto Fluviatilis. Terá lugar o próximo mércores, 12 de novembro, de 10:30 a 14:00 horas.

Nesta ocasión, continuaremos coa eliminación de Tradescantia fluminensis e con labores de seguimento das xornadas anteriores, actuando sobre os posibles rebrotes. 

O Fluviatilis remata neste ano 2025, polo que nesta actividade valorarase a efectividade das diversas accións levadas adiante, como o sombreado artificial colocado para loitar contra a tradescantia; a revexetación con flora autóctona; e a actuación sobre outras especies atopadas como a Acacia melanoxylon, ás que se lles aplicou aneis de descortizamento. Recolleranse datos para a realización dos informes e memorias finais.

Programa

10:30 h.- Recepción do voluntariado participante
10:45 h.- Actuacións realizadas no Tambre dentro do proxecto Fluviatilis
11:00 h.- Desprazamento ata a zona de traballo
11:30 h.- Revisión e eliminación de Tradescantia fluminensis
13:00 h.- Recollida e avaliación da actuación
14:00 h.- Remate da actividade

Inscríbete!

Para acudir, necesítase inscrición previa no seguinte FORMULARIO.

Anímate!