26-09-2025

Mesa redonda ADEGA, unha historia de compromiso coa terra | Santiago de Compostela

No marco da celebración do 50 aniversario de ADEGA en Santiago de Compostela, convidámoste a participar nesta mesa redonda que repasa a traxectoria do ecoloxismo galego e a súa evolución ao longo das últimas décadas. Terá lugar este venres, 26 de setembro, ás 19:30 h no Centro sociocultural do Ensanche. Estará precedida pola proxección do documental "A terra por gañar" (18:00h). 

Na mesa redonda intervirán:

• Ramón Varela, expresidente de ADEGA – O medio ambiente nos 70 comparado coa actualidade
• Manolo Soto, membro da directiva de ADEGA – O ecoloxismo nos 90: organización e relacións sociais
• María R. Lafuente, membro da directiva de ADEGA – O papel da Educación e do Voluntariado Ambiental na defensa do territorio
• Xesús Manuel Domínguez, concelleiro de Sustentabilidade Ambiental.

Modera: Aloia Insua, historiadora

Esta é unha actividade organizada por ADEGA en colaboración co Concello de Santiago. Está enmarcada nun ciclo de actividades que se desenvolverán en Compostela desde este venres 26 ata o próximo 7 de outubro, en conmemoración dos 50 anos de traxectoria da asociación. Podes consultar o programa ao completo aquí.