Do 08-07-2026 ao 05-08-2026

Actividades de ADEGA - Eu Quero Razo-Baldaio 2026

Tras o éxito das edicións pasadas, o Concello de Carballo lanza un ano máis o programa de actividades "Eu quero Razo – Baldaio", que pretende crear hábitos de turismo consciente no litoral carballés a través de diversidade de accións de voluntariado desenvolvidas polo propio concello e por varias entidades, entre elas, ADEGA. Tanto o concello como as asociacións colaboradoras buscamos con este programa a valorización da contorna co obxectivo de que canto máis se coñeza, máis se respecte. 

A maioría das accións programadas requirirán de preinscrición. As prazas son limitadas, e as persoas admitidas deberán achegarse polos seus propios medios ata o punto de inicio ou celebración das actividades, que se desenvolverán ao longo dos meses de xullo, agosto e setembro. 

En concreto, ADEGA coordinará 4 accións: 

• 8 de xullo | Ruta interpretativa da flora invasora
  Un percorrido guiado entre Pedra do Sal e Leira permitirá coñecer as principais especies exóticas invasoras presentes na costa, os seus impactos ambientais e os retos que supoñen para a conservación dos ecosistemas autóctonos.
• 18 de xullo | Recollida de tarugos e lixo mariño
  A iniciativa Tarugotón chega a Razo para retirar residuos das praias e concienciar sobre a problemática do lixo mariño e o seu impacto nos ecosistemas costeiros.
• 1 de agosto | Explorando as pozas das mareas
  As pozas intermareais converteranse nunha aula ao aire libre para descubrir a biodiversidade mariña que habita estes singulares microhábitats costeiros.
• 5 de agosto | Ruta interpretativa praia-marisma de Baldaio
  Un paseo guiado para descubrir os valores ecolóxicos da lagoa, as dunas e a marisma, así como os principais desafíos para a súa conservación.

Inscricións AQUÍ.
Para máis información: 981 570 099 ou proxectoriosgaliza@gmail.com.

Todas as actividades

Podes consultar estas e todas as demais actividades desenvolvidas no marco deste programa na páxina web do Concello de Carballo.

Descargas

• Programa completo - Eu quero Razo-Baldaio 2026