Revista CERNA

Artigos de Ordenación do territorio. Revista CERNA, medio ambiente e ecoloxismo da man de ADEGA

Urbanismo: o peor dos prestiges na costa galega

Adela Figueroa Panisse

CERNA Nº 51 - .

Páx. 12-13

En Cangas, nos terreos que agora ocupa a fábrica de Massó, preténdese substituír unha zona rica en vida, que deu traballo a moitos mariñeiros e mariscadoras, por un porto deportivo, un hotel e unha urbanización. Isto é moi grave, porque as rías, ecosistemas privilexiados, son moito mais fráxiles do que se pensa.As zonas produtivas non forman xa unha liña continua, senón que están illadas entre si por zonas altamente degradadas ficando os ricos bancos marisqueiros sen conexión.Así pois, a pesca en Galiza é un sector estratéxico que forma parte da nosa vida. A natureza dotounos duns bens privilexiados pola fermosura e produtividade do noso litoral e as rías son ecosistemas altamente produtivos que non podemos deixar de estragar.

Urbanismo na Saíña e na Frouxeira (Valdoviño). Resiste a Rede Natura a presión urbanística?

Carlos Outeiro

CERNA Nº 51 - .

Páx. 14

¿Quen non gusta de contemplar aos seus pés unha praia de mais de 3 quilómetro de area fina? Isto e o que podemos contemplar cando nos achegamos ao lugar d´ A Saiña, no concello de Valdoviño. Aínda así, isto non impide, que a día de hoxe, sen reunir as características necesarias, unha parcela deste lugar fique clasificado como Solo Urbano no planeamento urbanístico do Concello de Valdoviño e se inicien os traballos a instalación de vivendas e un hotel. Desde ADEGA denunciamos o inicio dunhas obras que non dispoñen das necesarias autorizacións, como as da D.X. Conservación da Natureza ou D.X. de Urbanismo.

Da vivenda rural e a paisaxe á especulación

Adela Figueroa Panisse

CERNA Nº 51 - .

Páx. 15-17

En Galiza, os núcleos de poboación están indisolubelmente incorporados á paisaxe tradicional e responden a unha máxima rendibilidade das posibilidades do contorno. A aldea situábase normalmente ocupando as abas das montañas, deixando os terreos menos costentos e os inundábeis das beiras dos ríos, para cultivos de horta. Actualmente o que resalta é a diseminación desordenada no que o bosque achégase as casas e as casas invaden zonas que tradicionalmente eran de bosque.

Arquitectura e esquizofrenia

Emilio Rodríguez Blanco

CERNA Nº 54 - Viaxe ao Bidueiral de Montederramo

Páx. 33 - 35

Este artigo fala sobre a arquitectura rural pasada e a presente. Trata de identificar as causas que sustentan a arquitectura rural que hoxe temos en Galiza, e abre unha porta á harmonía co espazo que a rodea. Unha arquitectura capaz de ser respectuosa co medio onde se encontra.

Explotación de áridos calizos en Triacastela: A devastación do Patrimonio de Galiza

Miguel A. Freire

CERNA Nº 53 - .

Páx. 13

O concello de Triacastela posúe un gran patrimonio, sobre todo no terreo da arqueoloxía e a paleontoloxía. Esta é unha zona onde abundan as cavidades naturais que consistían no principal agocho, tanto para homes como para animais, en época prehistórica. Entre todos estes refuxios destaca Cova Eirós, principalmente polos importantes achados arqueolóxicos e paleontolóxicos que se teñen realizado nas distintas campañas. Mais todo este patrimonio estase a poñer en perigo por mor das canteiras de pedra caliza no Monte Penedo por parte da empresa cementeira Cementos Cosmos S.A.

Reganosa: a loita que non cesa

Belén Rodríguez

CERNA Nº 53 - .

Páx. 14 - 16

Todo comezou en 1998 cun recheo ilegal de 60.000 m2 na ría de Ferrol, que logo pasaría a 120.000 m2, autorizados pola Autoridade Portuaria, xunto cunha recualificación de terreo. O propietario deses terreos, que despois se convertería no presidente de honra e alma máter de Reganosa, Roberto Tojeiro, pensou entón, en conivencia coa Xunta de Fraga, instalar alí unha planta regasificadora, no interior da ría, no peirao de Mugardos. O Grupo Tojeiro tería a participación do 18% do capital, Endesa e Fenosa do 21% respectivamente, a Xunta dun 10%, ao mesmo que Sonatrach e Caixa Galicia, e outro 10% estaría adxudicado para o Banco Pastor e Caixa Nova. Namentres, os sectores contrarios á localización e instalación da planta de gas en Mugardos constituíanse como grupo de oposición no Comité Cidadán de Emerxencia para a Ría de Ferrol, un colectivo formado por medio cento de entidades locais que centrou os seus obxectivos ata o día de hoxe en demostrar a ilegalidade de Reganosa, así como a súa influencia negativa sobre a seguridade das persoas e o medio ambiente. Tras nove anos de incertezas, o 2007 representa un punto de inflexión: comeza a actividade de Reganosa, en período de probas, consegue seis meses despois o permiso de actividade definitivo e descóbrese un documento no que, supostamente, a Xunta se compromete a situar a planta de gas nos terreos de Tojeiro e, polo cal,segundo o Comité, poderían ser imputados penalmente o ex presidente Fraga e o seu conselleiro de Economía, Xosé Antón Orza.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal