Artigos de Forestal e montes. Revista CERNA, medio ambiente e ecoloxismo da man de ADEGA
Eucaliptos, falacias e economía de proximidade
Marcelino Fernández Mallo
CERNA Nº 86 - Especial Vaga eólica II
Páx. 5-8
O quecemento global e episodios imprevisibles como a pandemia fan que os territorios persigan a autonomía alimentaria que lles garanta o aprovisionamento de produtos básicos de consumo humano. O artigo amosa a extrema debilidade de Galicia no capítulo esencial dos alimentos frescos debido ao abandono do agro nas últimas décadas, nun nivel sen parangón en Europa. A política de inzar o rural galego de eucaliptos provocou, ademais de gravísimos efectos perniciosos de diversa caste, o declive das árbores de froito comestible e da superficie agraria ata valores mínimos. Resulta imprescindible reverter o proceso de forma urxente.
O impacto ecolóxico dos eucaliptos en Galiza
Antón Fernández Piñeiro
CERNA Nº 86 - Especial Vaga eólica II
Páx. 9-12
Os eucaliptos, principalmente a especie Eucalyptus globulus Labill., experimentaron unha rapidísima expansión en Galicia desde a segunda metade do século XX, pasando de estar practicamente ausentes ata 1940 a ocupar a comezos do século XXI 433.916 hectáreas entre masas puras e mixtas, debido ás plantacións que proliferaron ao abeiro da industria papeleira, madeireira e, máis recentemente, bioenerxética. Este dato provén do IV Inventario Forestal Nacional do ano 2009, agardándose unha extensión moito maior na actualidade. Con motivo da aprobación do novo Plan Forestal de Galicia (2021-2040), que substitúe ao seu predecesor do ano 1992, no presente artigo revísanse os impactos ecolóxicos asociados á principal formación arborada do país.
O novo Plan Forestal. Malos antecedentes, pésimas perspectivas
Rubén Vidal Regueiro
CERNA Nº 85 - Especial Vaga Eólica I
Páx. 11-14
O día 24 de febreiro de 2021 o Pleno do Parlamento de Galicia aprobaba, despois dunha tramitación non exenta de polémica, o novo Plan Forestal para Galicia titulado: 1ª Revisión do Plan Forestal de Galicia 2021-2040 “Cara á neutralidade carbónica”. Este documento vén de substituír, 29 anos despois da súa aprobación, e tras anos de irrelevancia, ao Plan Forestal de Galicia de 1992, que non cumpriu coas súas previsións nin cos seus obxectivos. Neste artigo analízase o novo Plan Forestal de Galicia, partindo dos seus antecedentes, e o que pode supoñer para o futuro do monte galego.
Na loita pola biodiversidade, desde o ámbito administrativo local
Rafa Sisto e María López
CERNA Nº 84 - Eólica mariña, unha alternativa?
Páx. 11-13
En marzo de 2017 o Pleno do concello de Teo aprobaba unha moción presentada por SONdeTEO-Anova e o PSdG-PSOE pola que se acordaba solicitar á administración competente a inclusión das especies da familia eucalyptus no Catálogo Español de Especies Exóticas Invasoras. Iníciase así un longo proceso administrativo, primeiro, e logo xudicial, que remata coa sentenza do pasado 30 de outubro do Tribunal Superior de Xustiza de Madrid desestimando o recurso do concello. Neste artigo relátase este proceso, sitúase no contexto que o provoca e analízase a escasa marxe da administración local para defender a biodiversidade. Un empeño do que é mostra a iniciativa HabitaTEO e que tamén presentamos.
A «Floresta» em Portugal porquê uma aliança pela floresta autóctone
Jorge Moreira, Marta Mota e José Carlos Costa Marques
CERNA Nº 83 - Electrointensivas con data de caducidade
Páx. 33-35
A pedido da Cerna, e para tornar mais compreensível aos conservacionistas e ecologistas da Galiza a situação da floresta autóctone em Portugal, enviamos estas notas que poderão ter alguma utilidade. Expomos por ordem cronológica, ao longo de cinco anos, como surgiu a Aliança pela Floresta Autóctone e como tem vindo a desenvolver-se e enraizar-se, muito lentamente é certo, como iniciativa informal.
A Carballeira do San Xusto sempre do pobo
Manuel Reboredo Tajes
Páx. 25-26
A Carballeira de San Xusto, situada na parroquia de San Xurxo de Sacos (Concello de Cotobade e provincia de Pontevedra) é, cos seus máis de cen carballos centenarios, unha das máis representativas de Galiza. Obxeto de antigas cantigas populares e de tradicionais romarías, foi durante os últimos sete anos motivo dunha aceda controversia entre os viciños que defendían o carácter comunal que a carballeira e a súa redonda tiveron sempre e o párroco, que tivo a ousadía de inscrebela no rexistro como se fose propiedade privada da Igrexia católica. Finalmente, e logo dunha longa loita, a carballeira volve aos viciños. Un deles cóntanos todo o proceso.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal